سپریم کورٹ کے فیصلے کے بعد حکومت فسطائیت پر اتر آئی ہے، اسد قیصر

پاکستان تحریک انصاف کے رہنما اور سابق اسپیکر قومی اسمبلی اسد قیصر نے کہا ہے کہ مخصوص نشستوں سے متعلق سپریم کورٹ کے فیصلے کے بعد حکومت فسطائیت پر اتر آئی ہے اور ان کے خیال ہے کہ ہماری پارٹی کو دبائیں گے اور اپنا حق لینے سے دور رکھیں گے تو یہ ان کی غلط فہمی ہے۔

سوشل میڈیا پلیٹ فاریم ایکس پر اپنے ویڈیو پیغام میں سینئر رہنما اسد قیصر کا کہنا ہے کہ اس حد تک نہ لے کر جائیں کہ ہمارے پاس کوئی آپشن ہی نہ ہو۔ ہم پارلیمنٹ کے ساتھ سڑکوں پر بھی مقابلہ کریں گے۔

پاکستان تحریک انصاف کے ارکان اسمبلی کے اغوا پر سابق اسپیکر قومی اسمبلی اسد قیصر کا پیغام pic.twitter.com/1h8rJfXGPo

— Asad Qaiser (@AsadQaiserPTI) July 17, 2024

اسد قیصر کا کہنا تھا کہ رات کو ہمارے رکن اسمبلی معظم جتوئی کو ناجائز طور پر اٹھایا گیا ہے، رکن قومی اسمبلی جمشید دستی کے گھر کا تقدس بھی پامال کیا گیا، ہمارے ایم این اے امیر سلطان کو اٹھایا گیا جو تاحال لاپتہ ہیں، جب پارلیمنٹرینز کے ساتھ یہ رویہ ہے تو عام شہری کے ساتھ کیا ہوگا؟۔ اگر ان کے خلاف کوئی کیس ہے تو انہیں عدالت میں پیش کریں۔

سابق اسپیکر قومی اسمبلی اسد قیصر نے کہا کہ ہمارے ساتھیوں کو فوری رہا کیا جائے، ہمیں دیوار سے لگانا چھوڑ دیں، ہم آئین وقانون کے تحت اپنی جدوجہد جاری رکھیں گے، اس حد تک نہ لے کر جائیں کہ ہمارے پاس کوئی آپشن ہی نہ ہو۔