پاکستان
بنگلہ دیش مظاہرے، ہائی کمیشن کا پاکستانی طلبا کواحتجاج سے دور رہنے کا مشورہ
نائب وزیر اعظم ووزیر خارجہ محمد اسحاق ڈار کا بنگلہ دیش میں مقیم سفیر سے ٹیلی فونک رابطہ
![بنگلہ دیش مظاہرے، ہائی کمیشن کا پاکستانی طلبا کواحتجاج سے دور رہنے کا مشورہ](/media/111820/conversions/Protest-1280x720.jpg)
بنگلہ دیش میں جاری مظاہروں کے پیش نظر پاکستانی ہائی کمیشن نے ڈھاکہ میں مقیم پاکستانی طلباء کو احتجاج سے دور رہنے کا مشورہ دیا ہے۔
ترجمان دفتر سے جاری بیان میں کہا گیا کہ پاکستانی ہائی کمیشن نے طلباء کی حفاظت کیلئے ہر ممکن احتیاط اختیار کی ہیں اور انہیں اپنے کیمپس کے حصے سے باہر نہ نکلنے سے مشورہ بھی دیا ہے۔
اس حوالے سے وزیر اعظم کے نائب اور وزیر خارجہ محمد اسحاق ڈار نے بنگلہ دیش میں مقیم سفیر سے ٹیلی فونک رابطہ کیا ہے تاکہ بنگلہ دیش میں مقیم پاکستانیوں کی فلاح و بہبود کو یقینی بنایا جا سکے۔
بنگلہ دیش میں پاکستانی سفیر سید معروف سے کیے گئے رابطے کے ذریعے سفارت خانے نے بھی مصیبت میں مبتلا افراد کی سہولت کے لیے ایک ہیلپ لائن کھولی ہے۔ نائب وزیر اعظم نے ہائی کمشنر کو بھی ہدایت دی ہے کہ وہ پاکستانی طلباء کے ساتھ رابطے میں رہیں۔
جرم
سری لنکن انڈر 19 ٹیم کے سابق کپتان دھمیکا نروشنا فائرنگ سے قتل
دھمیکا نروشنا کو انکی رہائشگاہ میں نشانہ بنایا گیا
![سری لنکن انڈر 19 ٹیم کے سابق کپتان دھمیکا نروشنا فائرنگ سے قتل](/media/111799/conversions/1370986_5997661_ییقت_updates-1280x720.jpg)
سری لنکا کے انڈر-19 ٹیم کے کپتان دھمیکا نروشنا کو رات گئے مبینہ طور پر گولی مار کر ہلاک کردیا گیا۔
میڈیا رپورٹس کے مطابق واقعہ سابق کرکٹر دھمیکا نروشنا کو انکی رہائشگاہ امبالنگوڈا میں کنڈا ماواتھا میں نشانہ بنایا گیا، جہاں وہ اپنی اہلیہ اور 2 بچوں کے ساتھ گھر میں موجود تھے۔نروشنا کو قتل کرنے والے شخص نے مبینہ طور پر 12 بور پستول کا استعمال کیا۔
دھمیکا نروشنا کو سری لنکا کے بہترین آل راؤنڈرز میں شمار کیا جاتا تھا، انہوں نے لنکن ٹائیگرز کے نامور کرکٹرز پرویز معروف، اینجلو میتھیوز، اپل تھرنگا جسے نامی کرکٹرز کیساتھ بھی کھیلا۔
نروشنا نے 20 سال کی عمر میں کھیل سے ریٹائرمنٹ کا اعلان کردیا تھا۔ نیروشنا نے 2001 سے 2004 کے درمیان گال کرکٹ کلب کیلئے 12 فرسٹ کلاس میچز اور 8 لسٹ اے میچز کھیلے، جس میں انہوں نے 300 سے زیادہ رنز بنائے اور 19 وکٹیں حاصل کیں۔انہوں نے 2000 میں سری لنکا کی انڈر 19 ٹیم کیلئے ڈیبیو کیا اور 2 سال کپتانی کے فرائض نبھائے۔
معاملے کی اطلاع ملتے ہی پولیس موقع پر پہنچ گئی اور لاش کو تحویل میں لے لیا گیا جبکہ ضابطے کی کارروائی عمل میں لائی جارہی ہے۔
دنیا
یو اے ای کی شہزادی شیخہ مہرہ کا سوشل میڈیا پر اپنے شوہر سے طلاق کا اعلان
شہزادی مہرہ نے انسٹاگرام سے اپنے شوہر کے ہمراہ اپ لوڈ کی گئی سب ہی تصویریں ہٹا دی
![یو اے ای کی شہزادی شیخہ مہرہ کا سوشل میڈیا پر اپنے شوہر سے طلاق کا اعلان](/media/111800/conversions/1370964_9872803_News1_updates-1280x720.jpg)
متحدہ عرب امارات کے نائب صدر اور وزیرِ اعظم شیخ محمد بن راشد المکتوم کی صاحبزادی شیخہ مہرہ المکتوم نے سوشل میڈیا پر طلاق کا اعلان کر دیا۔
شہزادی شیخہ مہرہ نے اپنے سوشل میڈیا اکاؤنٹ انسٹا گرام پرلکھا ہے کہ پیارے شوہر، جیسا کہ آپ دوسرے ساتھیوں کے ساتھ مشغول ہیں، میں یہاں طلاق کا اعلان کرتی ہوں، میں آپ کو طلاق دیتی ہوں، طلاق دیتی ہوں، طلاق دیتی ہوں، اپنا خیال رکھنا۔ شہزادی شیخہ مہرہ المکتوم نے اپنی اس پوسٹ کے آخر میں لکھا ہے کہ آپ کی سابقہ اہلیہ۔
View this post on Instagram
دبئی کی شہزادی شیخہ مہرہ کے انسٹاگرام اکاؤنٹ پر اگر ایک نظر دوڑائی جائے تو انہوں نے اپنے شوہر کے ہمراہ اپ لوڈ کی گئی سب ہی تصویریں ہٹا دی ہیں۔
دوسری جانب شہزادی شیخہ مہرہ کی اچانک طلاق سے متعلق پوسٹ دیکھ کر اُن کے مداح و انٹرنیٹ صارفین شش و پنج میں مبتلا ہو گئے ہیں۔کچھ صارفین کا کہنا ہے کہ ہو سکتا ہے شہزادی شیخہ مہرہ کا انسٹاگرام اکاؤنٹ ہیک ہو گیا ہو۔
یاد رہے کہ رواں سال 2 مئی کو شیخہ مہرہ المکتوم کے ہاں بیٹی کی پیدائش ہوئی تھی۔
دبئی کی شہزادی شیخہ مہرہ کی گزشتہ سال 5 اپریل 2023ء کو شیخ مَانع المکتوم سے شادی ہوئی تھی۔
علاقائی
فاضل اڈا کے قریب پٹرول سے بھرا آئل ٹینکر الٹ گیا، ڈرائیور زخمی
اطلاع ملنے پر مقامی پولیس بھی موقع پر پہنچ گئی اور شہریوں کو بڑے حادثے سے بچانے کے لیے علاقے کو مکمل طور پر سیل کر دیا گیا
![فاضل اڈا کے قریب پٹرول سے بھرا آئل ٹینکر الٹ گیا، ڈرائیور زخمی](/media/111810/conversions/Tanker-1280x720.jpg)
ایم ایم روڈ فاضل اڈا کے قریب ایک پٹرول سے بھرا آئل ٹینکر الٹ گیا۔
تفصیلات کے مطابق آئل ٹینکر میں 40 ہزار لیٹر پٹرول موجود تھا اور یہ محمود کوٹ سے اسلام آباد جا رہا تھا۔
اطلاع ملنے پر مقامی پولیس بھی موقع پر پہنچ گئی اور شہریوں کو بڑے حادثے سے بچانے کے لیے علاقے کو مکمل طور پر سیل کر دیا گیا۔ گاڑیوں کے لیے متبادل راستہ اختیار کیا گیا۔
ریسکیو ذرائع کا کہنا ہے کہ آئل ٹینکر کے زخمی ہونے والے ڈرائیور کو فوری طور پر طبی امداد کے لیے مقامی ہسپتال منتقل کر دیا گیا۔
ریسکیو ذرائع کے مطابق ابتدائی تحقیقات سے پتہ چلتا ہے کہ حادثہ ڈرائیور کی نیند کی وجہ سے پیش آیا۔ تاہم پولیس مزید تحقیقات کر رہی ہے تاکہ یہ یقینی بنایا جا سکے کہ حادثے کی وجہ کیا تھی۔
اس حادثے کے نتیجے میں ایم ایم روڈ پر کئی گھنٹوں تک ٹریفک جام رہا۔ مقامی انتظامیہ نے شہریوں سے اپیل کی ہے کہ وہ متبادل راستے استعمال کریں۔
-
پاکستان 6 گھنٹے پہلے
پیپلز پارٹی کسی بھی سیاسی جماعت پر پابندی کے حق میں نہیں ، وزیر اعلیٰ سندھ
-
تجارت ایک دن پہلے
اٹک میں تیل اور گیس کے نئے ذخائر دریافت
-
علاقائی 2 دن پہلے
ٹی ایل پی دھرنا: ٹریفک درہم برہم، نظام زندگی مفلوج
-
پاکستان 2 دن پہلے
پی ٹی آئی میں کوئی فارورڈ بلاک نہیں، ہم سب متحد ہیں، بیرسٹر گوہر
-
پاکستان 2 دن پہلے
خواجہ سعد رفیق بھی صنم جاوید کی دوبارہ گرفتاری کے خلاف بول پڑے
-
پاکستان ایک دن پہلے
مخصوص نشستوں کا کیس، سپریم کورٹ کے فیصلے پر عمل درآمدکے لیے الیکشن کمیشن کا اجلاس طلب
-
دنیا ایک دن پہلے
بنگلہ دیشی وزیراعظم کے چپڑاسی مبینہ طور پر کروڑوں کا مالک نکلا
-
پاکستان ایک دن پہلے
پی ٹی آئی پر پابندی لگانے کا حتمی فیصلہ اتحادیوں سے مشاورت کے بعد ہو گا، اسحاق ڈار