مریم نواز کو پی ٹی آئی کے منصوبے دیکھنے کے لیے خیبر پختونخوا آنے کی دعوت

 بیرسٹر سیف نے مریم نواز کو پی ٹی آئی کے منصوبے دیکھنے کے لیے خیبر پختونخوا آنے کی دعوت دے دی۔

سوشل میڈیا پلیٹ فارم ایکس پر اپنے ٹویٹ میں مشیر اطلاعات کے پی کے بیرسٹر سیف نے وزیراعلیٰ پنجاب مریم نواز کے خطاب پر ردعمل کا اظہار کرتے ہوئے کہا ہے کہ راج کماری مریم نواز کو  تعصب کی عینک اتار کر خیبر پختون خوا کا دورہ کرنے کی دعوت دے رہے ہیں۔

مریم نواز کو خیبرپختونخوا آنے کی دعوت

پشاور: راج کماری مریم نواز کو تعصب کی عینک اتار کر خیبر پختونخوا کا دورہ کرنے کی دعوت دے رہے ہیں،مریم نواز کو وہ تمام منصوبے دیکھا دیں گے جسکی بناء پر عوام نے تیسری بار پی ٹی آئی کو منتخب کیا ہے، خیبر پختونخوا کی سیاسی روایت میں ایک سے…

— Barrister Dr Muhammad Ali Saif (@BaristerDrSaif) July 19, 2024

انہوں نے کہا کہ مریم نواز کو وہ تمام منصوبے دکھادیں گے جس کی بنا پر عوام نے تیسری بار پی ٹی آئی کو منتخب کیا ہے۔ خیبر پختونخوا کی سیاسی روایت میں ایک سے زیادہ کسی بھی پارٹی کو موقع نہیں دیا گیا ہے۔ صوبے میں ترقیاتی سفر کی بدولت پنجاب سمیت پورے پاکستان سے مسلم لیگ ن کا صفایا ہوگیا ہے۔

بیرستر سیف کا کہنا تھا کہ مسلم لیگ ن اب صرف فارم 47 کے سہارے پر چلنے والی جماعت بن چکی ہے۔ مریم نواز اپنے والد کی روش پر چل کر سپریم کورٹ پر حملہ آور ہونے کی کوشش کررہی ہے۔ یہ عدلیہ سے اپنے من پسند فیصلے لینے کے عادی ہیں۔ آزاد عدلیہ ان کی آنکھوں میں کھٹکتی ہے۔ مریم نواز آئین کی ان شقوں کا بھی مطالعہ کریں، جسے ان کے والد اور چچا پامال کررہے ہیں۔