امریکی کانگریس میں پاکستان کاکس کی چیئر پرسن شیلا جیکسن کا انتقال

امریکی کانگریس میں پاکستان کاکس کی چیئر پرسن شیلا جیکسن 74 سال کی عمر میں کینسر کے عارضے سے انتقال کر گئیں۔

رپورٹ کے مطابق شیلا جیکسن کافی عرصے سے کینسر کے عارضے میں مبتلا تھیں۔ انہوں نے اپنی بیماری کے باوجود پاکستان کی مدد کے لیے کام جاری رکھا۔

شیلا جیکسن پاکستان میں زلزلے اور سیلاب کے دوران مدد میں پیش پیش رہیں۔ انہوں نے امریکی کانگریس میں پاکستان کی سرگرم حامی کے طور پر بھی کام کیا۔

شیلا جیکسن کو 2022 میں پاکستان کے سرکاری اعزاز ہلال پاکستان سے بھی نوازا گیا تھا۔

شیلا جیکسن کی وفات پر دیگر رہنماؤں نے گہرے دکھ اور افسوس کا اظہار کیا ہے۔