چینی کی قیمتوں میں کمی کیلئے ہر ممکن اقدامات کیے جائیں ، وزیر صنعت

صنعتوں اور پیداوار کے وزیر رانا تنویر حسین نے صوبائی چیف سیکرٹریوں سے کہا ہے کہ وہ چینی کی پرچون کی قیمت مستحکم رکھنے کیلئے تمام ممکنہ اقدامات کریں۔

انہوں نے آج اسلام آباد میں شوگر ایڈوائزری بورڈ کے ایک اجلاس کی صدارت کرتے ہوئے کہا کہ چینی کی قیمتیں برقرار رکھنا حکومت کی بنیادی ذمہ داری ہے اور اس کی قیمتوں میں کسی بھی طرح کا اضافہ برداشت نہیں کیا جائے گا۔

انہوں نے مزید کہا کہ  ملک بھر کے تمام یوٹیلیٹی سٹورز پر غریب اور متوسط طبقے کی عوام کو 19بنیادی اشیا رعایتی قیمتوں پر فراہم کی جا رہی ہیں۔