دفتر خارجہ کی حماس کے سربراہ اسماعیل ہنیہ کے قتل کی مذمت

پاکستان نے حماس کے سربراہ اسماعیل ہنیہ کے تہران میں قتل کی مذمت کی ہے۔

دفتر خارجہ کی ترجمان ممتاز زہرہ بلوچ نے ایک بیان میں کہا کہ پاکستان تمام ماورائے عدالت اور ماورائے علاقہ قتل سمیت دہشت گردی کی تمام اقسام کی مذمت کرتا ہے چاہے وہ کسی بھی مقصد کیلئے ہو۔

انہوں نے کہا کہ پاکستان کو ایرانی صدر کی حلف برداری کی تقریب کے موقع پر جس میں نائب وزیراعظم اسحاق ڈار سمیت کئی غیرملکی مندوبین نے شرکت کی اس حملے پر سخت افسوس ہے۔

ترجما ن نے کہا کہ اسرائیل کی تازہ کارروائیوں کے باعث پہلے سے کشیدگی کا شکار علاقے میں تشدد بڑھنے سے امن کے لئے کی جانیوالی کوششوں کو نقصان پہنچا ہے۔