لندن سے پرتگال جانیوالی پرواز کا معاون پائلٹ بے ہوش

لندن: ایک پائلٹ کی پرواز کے دوران اچانک طبیعت بگڑنے اور بے ہوش ہونے کا واقعہ پیش آیا ہے۔

27 جولائی کو لندن کے لیوٹن ہوائی اڈے سے پرتگال کے شہر لزبن جانے والی پرواز کے دوران یہ واقعہ پیش آیا۔ جہاز میں سوار 193 مسافروں اور عملے کی جان کو خطرہ لاحق ہو سکتا تھا لیکن خوش قسمتی سے جہاز کو بحفاظت لینڈ کر لیا گیا۔

ایزی جیٹ کی ایک پرواز کے دوران پائلٹ کی طبیعت بگڑنے کا واقعہ ایک سنگین مسئلہ ہے جو ہوا بازی کی حفاظت کے بارے میں سوالات اٹھا رہا ہے۔

میڈیا رپورٹس میں بتایا گیا ہے کہ جہاز کے ماہر عملے نے معاون پائلٹ کو فوری ابتدائی طبی امداد دی اور جہاز لینڈ ہوتے ہی سانتا ماریا ہسپتال میں پائلٹ کو علاج کیلئے بھیجا گیا۔

کو پائلٹ کے بے ہوش ہونے کی تصدیق ائیر لائن کی جانب سے بھی کی گئی اور بتایا گیا کہ بنیادی اصولوں کو پورا کرتے ہوئے کمرشل پروازوں میں 2 پائلٹ موجود ہوتے ہیں۔

میڈیا رپورٹس کے مطابق جہاز کی لینڈنگ میں کوئی مسائل نہیں آیا اور تمام تر مسافر باحفاظت اپنے مقام پر لینڈ کرگئے۔

خوش قسمتی سے اس واقعے میں کوئی جانی نقصان نہیں ہوا۔ تاہم اس واقعے سے ہمیں ہوائی سفر کی حفاظت کے بارے میں مزید سنجیدہ ہونے کی ضرورت پر مجبور کیا ہے۔