جی این این سوشل

پاکستان

فوج اور عوام میں خلیج پیدا کرنے والوں کے خلاف قانونی کارروائی ہوگی، پاک فوج

9 مئی پر پاک فوج کے موقف میں کوئی تبدیلی نہیں آئی اور نہ آئے گی، آئی ایس پی آر

پر شائع ہوا

کی طرف سے

فوج اور عوام میں خلیج پیدا کرنے والوں کے خلاف قانونی کارروائی ہوگی، پاک فوج
جی این این میڈیا: نمائندہ تصویر

ترجمان پاک فوج کا کہنا ہے کہ دہشتگردی کیخلاف ہماری کامیاب جنگ آخری دہشتگرد اور اس سے جڑی دہشتگردی کے خاتمے تک جاری رہے گی فوج اور عوام میں خلیج پیدا کرنے والوں کے خلاف قانونی کارروائی ہوگی ،9 مئی پر پاک فوج کے موقف میں کوئی تبدیلی نہیں آئی اور نہ آئے گی۔

روالپنڈی میں ڈائریکٹر جنرل انٹر سروس پبلک ریلیشن(ڈی جی آئی ایس پی آر) لیفٹینٹ جنرل احمد شریف چودھری نے پریس بریفنگ میں بتایا کہ ملک میں 23ہزار622 چھوٹے بڑے آپریشن کئے گئے ،15دن کے دوران 24 دہشتگرد ہلاک کئے ،کالعدم ٹی ٹی پی کو فتنہ الخوارج کے نام سے پکارا جائے گاکالعدم ٹی ٹی پی فتنہ ہے ، اس کا مذہب سے کوئی تعلق نہیں ہے۔

ڈی جی آئی ایس پی آر نے جام شہادت نوش کرنے والےفوجی نوجوانوں کے متعلق گفتگو میں بتایا کہ 7ماہ کے دوران 139 افسران اور جوانوں نے جام شہادت نوش کیا، دہشتگردی کے خلاف جنگ آخری دہشتگرد کے خاتمے تک جاری رہے گی ،کے پی کے ضم اضلاع، بلوچستان میں فلاحی منصوبے بھی جاری ہیں ۔

تعلیمی اداروں کےقیام عمل کے متعلق لیفٹینٹ جنرل احمد شریف چودھری نے اپنی بریفنگ میں بتایا کہ افواج پاکستان کی جانب سے تعلیمی اداروں کا قیام عمل میں لایا گیا،ان تعلیمی اداروں میں 80ہزار بچے تعلیم حاصل کررہے ہیں ،تعلیم سب کیلئے پروگرام میں 7لاکھ سے زائد طالبعلموں کو داخلہ دیا گیا، بلوچستان کے طلبا کو تعلیم کے ساتھ دیگر سہولیات بھی دے رہے ہیں ۔

بلوچستان میں ترقیاتی کاموں کے بارے میں گفتگو کرتے ہوئے ڈی جی آئی ایس پی آر کا کہنا تھا کہ پاک فوج نے صحت کی بنیادی سہولیات کیلئے ملک بھر میں اقدامات کئے ،بلوچستان میں پاک فوج کے تعاون سے سڑکوں اور پلوں کے اہم منصوبے مکمل کئے ،گوادر میں پاک فوج کے تعاون سے 104 منصوبوں پر کام جاری ہے،86ہزار سے زائد اہلکار انسداد پولیو ٹیموں کے ساتھ تعینات کئے گئے ہیں۔ 

ڈی جی آئی ایس پی آر لیفٹینٹ جنرل احمد شریف چودھری کا کہنا تھا کہ حکومت نے 2 دہشتگرد تنظیموں پر پابندی لگائی ہے،سی پیک کی سکیورٹی کیلئے ہزاروں اہلکار فرائض انجام دے رہے ہیں ،پاک فوج نے ٹیکس کی مد میں 100 ارب روپے قومی خزانے میں جمع کرائے ہیں،پاکستان نے دہشتگردی کے خلاف طویل جنگ لڑی ہے۔ 

ڈی جی آئی ایس پی آر کا مزید کہنا تھا کہ عوام کے تعاون سے ہر چیلنج پر قابو پالیں گے ،محفوظ پاکستان ہی مضبوط پاکستان کی ضمانت ہے ،فوج کسی خاص سیاسی سوچ، مسلک ،مذہب کو لے کر نہیں چلتی ،فوج ہمیشہ ملک کی ترقی کو لے کر چلتی ہے ، پاک فوج کے افسران اور جوان اس ملک کی اشرافیہ نہیں ہیں ، کیا تنقید کی وجہ سے تعلیم اور صحت پر کام کرنا چھوڑ دیں ،ایک مافیا پاکستان کی ترقی نہیں چاہتا۔

ڈی جی آئی ایس پی آر کا مزید کہنا تھا کہ عوام کے تعاون سے ہر چیلنج پر قابو پالیں گے ،محفوظ پاکستان ہی مضبوط پاکستان کی ضمانت ہے ،فوج کسی خاص سیاسی سوچ، مسلک ،مذہب کو لے کر نہیں چلتی ،فوج ہمیشہ ملک کی ترقی کو لے کر چلتی ہے ، پاک فوج کے افسران اور جوان اس ملک کی اشرافیہ نہیں ہیں ، کیا تنقید کی وجہ سے تعلیم اور صحت پر کام کرنا چھوڑ دیں ،ایک مافیا پاکستان کی ترقی نہیں چاہتا۔ 

لیفٹینٹ جنرل احمد شریف چودھری کا  مزیدکہنا تھا کہ مافیا اشرافیہ کی ذمہ داری پر بات نہیں کرتا ،مافیا سمجھتا ہے اس کی کامیابی عوام کو غریب رکھنے میں ہے جب گھر میں آگ لگی ہو تو بجھانے پر سوال نہیں کیا جاتا، سوال کرنے والے اور آگ لگانے والے کو پہچانیں ،ہمیں چاہئیں اس مافیا کو پہچانیں اور یک زبان ہوکر اسے جواب دیں ، ہمارا مسئلہ ہے کہ ہم سیاسی مقاصد کیلئے تنقید کرتے ہیں۔

ڈی جی آئی ایس پی آر نے مزید بتایا کہ مافیا کو تکلیف اس بات پر ہے کہ فوج عوامی فلاح وبہبود پر کیوں کام کررہی ہے ، ایرانی سرحد سے منسلک بلوچ علاقوں میں بنیادی سہولتوں اور روزگار کی کمی ہے ،بلوچستان کے ان علاقوں کے لوگوں کا انحصار ایران سے تجارت پر ہے ، اگر ایرانی سرحد بالکل بند کردے تو اس مافیا کو فوج پر تنقید کا موقع ملے گا،فوج کوشش کررہی ہے کہ غیرقانونی تجارت بند ہو، ایران سے تیل کا پرمٹ فوج یا ایف سی جاری نہیں کرتی ۔ 

انہوں نے کہا کہ کسی بھی ملک میں سرحد کو مکمل نہیں بند کیا جاسکتا ،امریکا بھی تمام وسائل کے باوجود میکسیکوسرحد پر غیرقانونی نقل وحمل نہیں روک سکا،امریکا میں تو کبھی اس پر سوال نہیں اٹھایا جاتا،بارڈر یک طرفہ نہیں بلکہ دو طرفہ ہوتے ہیں ، یہ نہیں کہا جاسکتا کہ باڑ لگنے کے بعد سرحد پر کوئی پرندہ بھی پر نہیں مارسکتا،افغان سرحد پر دوسری جانب سے فائرنگ کے ذریعے اسمگلروں کو تحفظ دیا جاتا ہے ۔

ترجمان پاک فوج کا مزید کہنا تھا کہ فوج کی سرپرستی میں غیرقانونی تجارت کا بیانیہ دو وجوہات پر بنایا جاتا ہے ، بیانیہ بنانے والے زمینی حقائق سے واقف نہیں ہوتے یا پھر ایجنڈے پر بیانیہ بنایا جاتا ہے،بیانیہ بنانے والے فوج اور عوام میں دراڑ ڈالنا چاہتے ہیں ، 9مئی پر پاک فوج کے موقف میں کوئی تبدیلی نہیں آئی ، 9مئی پر پاک فوج کا مؤقف بہت واضح ہے ،7مئی کی پریس کانفرنس میں جو مؤقف تھا وہ برقرار ہے۔

ترجمان کا کہنا تھا کہ ڈیجیٹل دہشتگردی کے خلاف قانون پہلی دفاعی لائن ہے ، قانون ڈیجیٹل دہشتگردی کے خلاف ویسے کام نہیں کررہا جیسے کرنا چاہیے ، فوج اور عوام میں خلیج پیدا کرنے والوں کے خلاف قانونی کارروائی ہوگی ، بیرون ملک سے جو مہم چلارہےہیں جانتے ہیں کون اور کیوں چلا رہا ہے۔ 

ڈی جی آئی ایس پی آر کا کہنا تھا کہ بےضمیر ڈیجیٹل دہشتگرد چند پیسوں کیلئے ملک کے خلاف باتیں کرتے ہیں ، جنوری سے اب تک غیرملکی میڈیا میں 127 آرٹیکل لکھے گئے ،یہ مایوسی اور انتشار کا بیانیہ بناتے ہیں ، سیاسی لابنگ فرمز ہائر کی جاتی ہیں ، سرکاری دوروں کے دوران احتجاج کیلئے پیسہ لگایا جاتا ہے ،میں سوال کرتا ہوں یہ پیسہ کہاں سے آیا ؟یہ بیانیہ بنارہے ہیں کہ پاکستان کی مدد نہ کی جائے۔

ڈی جی آئی ایس پی آر نے بلوچستان کے حالات پر اپنی بریفنگ میں بتایا کہ بلوچ یکجہتی کمیٹی دہشتگرد تنظیموں کی پراکسی ہے ، پرامن احتجاج سب کا حق ہے ،بلوچ یکجہتی کمیٹی اور ان کی نام نہاد قیادت کا ملک دشمنوں سے گٹھ جوڑ ہے ،ان کا طریقہ واردات بیرونی فنڈنگ پر جتھہ جمع کرنا ہے ، ان کے بیرونی سرپرست انسانی حقوق کے نام پر ان کی مدد کرتے ہیں ،کاش یہ بیانیہ یا کوششیں غزہ کی صورتحال پر کرتے ، گوادر میں حکومت کی رٹ قائم ہے۔

ٹیکنالوجی

گوگل فار اسٹارٹ اپ کا پاکستان میں اے آئی اکیڈمی لانچ کرنے کا اعلان

2024 کا یہ نیا پروگرام ایشیا پیسیفک خطے میں اے آئی انٹرپرینیورز کو مددفراہم کرے گا

پر شائع ہوا

ویب ڈیسک

کی طرف سے

گوگل فار اسٹارٹ اپ کا پاکستان میں  اے آئی اکیڈمی لانچ کرنے کا اعلان

گوگل فار اسٹارٹ اپس پلیٹ فارم نے پاکستان اور ایشیا پیسیفک میں مصنوعی ذہانت کے فروغ کے لیے اے آئی اکیڈمی لانچ کردی ہے۔

میڈیا رپورٹس کے مطابق گوگل فار اسٹارٹ اپس نے پاکستان اور ایشیا پیسیفک (APAC) خطے میں مصنوعی ذہانت (AI) کے شعبے میں کام کرنے والے اسٹارٹ اپس کو اُن کی ترقی میں مدد فراہم کرنے اور تیزی لانے کے لیے اے آئی اکیڈمی کے نام سے ایک نیا پروگرام متعارف کرانے کا اعلان کیا ہے۔

2024 کا یہ نیا پروگرام ایشیا پیسیفک خطے میں اے آئی انٹرپرینیورز کو مددفراہم کرے گا اور ان کی آرٹیفیشل انٹیلی جنس پر مبنی مصنوعات کو تیزی سے مارکیٹ تک رسائی فراہم کرے گا۔

یہ پروگرام 20 سے زائد ایسے سٹارٹ اپس کو یکجا کرے گا جو اے آئی پر مبنی ٹیکنالوجیز تیار کر رہے ہیں۔ اس سے نہ صرف ایشیا پیسیفک خطےمیں ایک متحرک اے آئی کمیونٹی فروغ ملے گا بلکہ سرحد پار نئی ایجادات اور شراکت داریاں بھی شروع ہوں گی ۔ تعاون پر مبنی اس ماحول میں آئیڈیاز، مہارت اور وسائل کا تبادلہ ہوگا جس سے جدید ترین اے آئی حل تیار کرنے میں تیزی آئے گی اور ایشیا پیسیفک  خطے کومصنوعی ذہانت کی ترقی میں عالمی مرکز بنانے میں مدد ملے گی۔

گوگل پاکستان کے ڈائریکٹر، فرحان ایس قریشی نے کہا کہ  ہمارا نیا اے آئی اکیڈمی پروگرام پورے ایشیا پیسیفک میں مصنوعی ذہانت کی ترقی کو فروغ دینے کے لیے گوگل کے عزم کا ثبوت ہے۔ پاکستان ایک اہم مارکیٹ ہونے کی وجہ سے، ہم امید کرتے ہیں کہ مقامی اسٹارٹ اپس کمپنیاں اس موقع کا فائدہ اٹھاتے ہوئے اپنے اے آئی سولوشنزکو بہتر بنائیں گی اور ایشیا ہیسیفک خطے میں اے آئی ایکو سسٹم کو مزید مضبوط بنائیں گی۔

درخواستیں آج سے 16 اگست 2024ء تک جمع کرائی جا سکتیں ہیں۔ مزید معلومات اور درخواست دینے کے لیے، براہِ کرم https: //startup .google .com /programs/ai-academy/apac/  کا وزٹ کیجیے۔

پڑھنا جاری رکھیں

دنیا

بنگلہ دیشی آرمی چیف کی طرف سے ملک میں عبوری حکومت بنانے کا اعلان

بنگلہ دیش کے تمام فیصلے فوج کریگی ، عوام کو یقین دلاتا ہوں کہ تمام مطالبات پورے کیے جائیں گے ، آرمی چیف وقار الزماں

پر شائع ہوا

ویب ڈیسک

کی طرف سے

بنگلہ دیشی آرمی چیف  کی طرف سے  ملک میں عبوری حکومت بنانے کا اعلان

بنگلہ دیشی آرمی چیف نے ملک میں عبوری حکومت بنانے کا اعلان کردیا ۔

بنگلہ دیش کے آرمی چیف وقار الزماں نے قوم سے خطاب  کرتے ہوئے کہا کہ ملک کو مخلوط حکومت کے ذریعے چلایا جائے گا ، بنگلہ دیش کے تمام فیصلے فوج کریگی ، بنگلہ دیشی عوام کو یقین دلاتا ہوں کہ تمام مطالبات پورے کیے جائیں گے، عوام سے پرامن رہنے کی اپیل کی ہے۔ 

واضح رہے کہ بنگلہ دیش میں عوامی احتجاج کے بعد وزیراعظم حسینہ واجد نے عہدے سے استعفی دے دیا اور ڈھاکا میں اپنی رہائش گاہ سے بھارت روانہ ہو گئی ہیں۔ برطانوی میڈیا کے مطابق بنگلہ دیشی وزیر اعظم حسینہ واجد کو آرمی چیف نے 45منٹ کی ڈیڈ لائن دی تھی۔

بنگلہ دیشی آرمی چیف نے  بنگلہ دیش نیشنلسٹ پارٹی (بی این پی) سمیت بڑی سیاسی جماعتوں سے بات چیت کی، جس کے بعد عبوری حکومت کے قیام کا فیصلہ کیا گیا۔

اس سے قبل موجودہ آرمی چیف وقار الزماں نے ہفتے کے روز ڈھاکا میں فوجی ہیڈ کوارٹرز میں افسران کو بتایا تھا کہ بنگلہ دیش کی فوج عوام کے اعتماد کی علامت ہے، فوج کی جانب سے جاری بیان میں آرمی چیف نے کہا تھا کہ فوج ہمیشہ لوگوں کے ساتھ کھڑی رہی ہے اور عوام کی خاطر اور ریاست کی کسی بھی ضرورت میں ایسا کرے گا۔

خیال رہے کہ بنگلہ دیشں میں کوٹہ سسٹم مخالف طلبہ کی جانب سے سول نافرمانی کی تحریک کے اعلان کے بعد پرتشدد مظاہروں میں  مجموعی طور پر 300 افراد جاں بحق ہوچکے ہیں۔

پڑھنا جاری رکھیں

تجارت

سونے کی فی تولہ قیمت میں 300 روپےکمی

عالمی مارکیٹ میں سونا 16 ڈالر کی کمی سے 2427 ڈالر فی اونس کا ہوگیا ، چاندی کی فی تولہ قیمت 2 ہزار 900 روپے پر مستحکم ہے

پر شائع ہوا

ویب ڈیسک

کی طرف سے

سونے کی فی تولہ قیمت میں 300 روپےکمی

 صرافہ مارکیٹ میں سونے کی قیمت میں کمی ہوئی ہے، سونے کی فی تولہ قیمت میں 300 روپے کی کمی ہوئی۔
کمی کے بعد سونا 2 لاکھ 56 ہزار 500 روپے فی تولہ ہوگیا ،10گرام سونے کی قیمت میں 258 روپے کی کمی ہوئی،10گرام سونا 2 لاکھ 19 ہزار 907 روپے کا ہوگیا ۔
عالمی مارکیٹ میں سونا 16 ڈالر کی کمی سے 2427 ڈالر فی اونس کا ہوگیا ، چاندی کی فی تولہ قیمت 2 ہزار 900 روپے پر مستحکم ہے۔    

ہفتے والے دن بھی  سونے کی قیمت میں کمی ہوئی تھی، سونے کی فی تولہ قیمت میں 500 روپے کی کمی ہوئی تھی۔
کمی کے بعد سونا 2 لاکھ 56 ہزار 800 روپے فی تولہ ہوگیا تھا ، 10 گرام سونے کی قیمت میں 429 روپے کی کمی ہوئی تھی،10 گرام سونا 2 لاکھ 20 ہزار 165 روپے کا ہوگیا  تھا۔

پڑھنا جاری رکھیں

ٹرینڈنگ

Take a poll