پورا مقبوضہ کشمیر جیل کا منظر پیش کر رہا ہے،وزیر اطلاعات پنجاب

پنجاب کی وزیر اطلاعات عظمیٰ بخاری نے کہا ہے کہ 2019  کے بعد سے 5 اگست یوم استحصال کے طور پر منایا جا رہا ہے۔

آج (پیر) لاہور میں ایک تقریب سے خطاب کرتے ہوئے انہوں نے اس بات پر افسوس کا اظہار کیا کہ آج پورا مقبوضہ کشمیر جیل کا منظر پیش کر رہا ہے۔

عظمیٰ بخاری نے کہا کہ سیاست اور اختلافات چلتے رہتے ہیں تاہم ہمیں ملک کے خلاف ہر سازش کو سمجھنے اور اسے ناکام بنانے کی ضرورت ہے۔انہوں نے کہا کہ شہباز شریف کشمیریوں کا مقدمہ بین الاقوامی فورموں پر لڑ رہے ہیں اور ہم اُن کے شانہ بشانہ ہیں۔