بنگلہ دیشی فوج کا حکومت کے خاتمے کے اگلے روز ہی ملک بھر سے کرفیو اٹھانے کا اعلان

بنگلہ دیش کی فوج نے حسینہ واجد کی حکومت کے خاتمے کے اگلے روز ہی ملک بھر سے کرفیو اٹھانے کا اعلان کر دیا ہے۔

میڈیا رپورٹس کے مطابق بنگلہ دیش کے دارالحکومت ڈھاکا سمیت مختلف شہروں میں اسکول، کالجز اور یونیورسٹیاں کھول دی گئی ہیں مگر طلبہ کی تعداد بہت کم ہے۔

رپورٹس کے مطابق بنگلہ دیش میں اساتذہ کی تنظیم ‘یونیورسٹی ٹیچرز نیٹ ورک’ آج تعلیمی سرگرمیوں کی بحالی سے متعلق  آئندہ کا لائحہ عمل طے کرے گی۔

واضح رہے کہ بنگلہ دیش میں کوٹہ سسٹم کے خلاف جاری مظاہروں کے بعد ملک بھر میں غیر معینہ مدت کے لیے کرفیو نافذ کیا گیا تھا۔

یاد رہے کہ کوٹہ سسٹم کے خلاف بنگلادیش میں ایک ماہ سے جاری مظاہروں کے بعد گزشتہ روز وزیرِ اعظم شیخ حسینہ واجد نے اپنے عہدے سے استعفیٰ دے کر بھارت فرار ہو گئی تھیں۔