پی آئی اےکا جشن آزادی کے موقع پر مسافروں کے لیے خصوصی رعایتی پیکیج کا اعلان

پاکستان انٹرنیشنل ایئر لائنز (پی آئی اے) نے جشن آزادی کے موقع پر مسافروں کے لیے خصوصی رعایتی پیکیج کا اعلان کرتے ہوئے 14 اگست تک خریدے گئے ٹکٹس پر 14 فیصد رعایت دے دی۔

ترجمان پی آئی اے کے مطابق قومی ایئر لائنز نے اندرون ملک فضائی سفر پر 14 فیصد رعایت کا اعلان کیا ہے، مسافر فوری طور پر رعایتی کرائے کے ٹکٹ خرید سکتے ہیں۔

ترجمان پی آئی کے کا کہنا ہے کہ رعایتی ٹکٹ 14 اگست کو سفر کے لیے مؤثر ہوں گے۔

پی آئی اے نے ٹورنٹو سے پاکستان کے لیے بھی 14 فیصد رعایت کا اعلان کیا ہے جبکہ 14 اگست تک خریدے گئے ٹکٹس پر 14 نومبر تک سفر کیا جا سکے گا۔