پٹرولیم مصنوعات کی قیمتوں میں بڑی کمی کا امکان

مہنگائی کے ستائے عوام کیلئے خوشخبری، 16 اگست سے پٹرولیم مصنوعات کی قیمتوں میں بڑی کمی کا امکان ہے۔

پٹرولیم مصنوعات کی قیمتوں میں 12 روپے فی لٹر تک کمی کا امکان ظاہر کیا گیا ہے ، پٹرول کی قیمت میں 9 روپے ، ڈیزل ساڑھے 8 روپے تک کمی جبکہ مٹی کے تیل کی قیمت میں بھی 12 روپے سے زائد کی کمی ہو سکتی ہے۔

وزیر خزانہ اور وزیر اعظم کی مشاورت سے نئی قیمتوں کا اعلان کیا جائے گا، قیمتوں سے متعلق حتمی سمری اوگرا 15 اگست کو بھیجے گی۔

واضح رہے کہ یکم اگست کو بھی پٹرولیم مصنوعات کی قیمتوں میں کمی کی گئی تھی۔