وزیر اعظم سے الیکٹرک کمپنی کے تعینات ہونے والے چیئرمین اور بورڈ ممبران کی ملاقات

وزیراعظم محمد شہباز شریف سے بجلی تقسیم کار کمپنیوں (DISCOs) کے نئے تعینات ہونے والے چیئرمین اور بورڈ ممبران کی ملاقات ہوئی ۔ 

ملاقات میں لاہور الیکٹرک سپلائی کمپنی، اسلام آباد الیکٹرک سپلائی کمپنی ،فیصل آباد الیکٹرک سپلائی کمپنی، ملتان الیکٹرک پاور کمپنی اور ہزارہ الیکٹرک سپلائی کمپنی کے نئے تعینات ہونے والے چیئرمین اور ممبران موجود تھے ۔ 

وزیراعظم نے  ڈسکوز بورڈز کے نئے تعینات ہونے والے چیئرمین اور ممبران کو مبارکباد اور نیک خواہشات کا اظہار بھی کیا ۔ 

مجھے پورا یقین ہے کہ آپ اپنی ذمہ داری پوری خوش اسلوبی سے نبھائیں گے ، یہ امر خوش آئند ہے کہ بجلی تقسیم کار کمپنیوں میں اچھے لوگوں کی تعیناتی ہوئی جنہیں اپنے شعبے پر عبور حاصل ہے، نئی تعیناتیاں توانائی کے شعبے کی اصلاحات کی جانب پہلا قدم ہے . 

وزیر اعظم بجلی چوری کی روک تھام ، لائین لاسز میں کمی، اور ٹرانسمشن نظام میں بہتری حکومتی اصلاحاتی ایجنڈے کی ترجیحات ہیں 

انہوں نے کہا کہ ڈسکوز میں گورننس کا فقدان ہے جس پر توجہ مرکوز کرنے کی ضرورت ہے ، بجلی تقسیم کار کمپنیوں کی ڈیجیٹائز یشن ترجیح ہونی چاہیے ۔

بجلی تقسیم کار کمپنیوں میں  اصلاحات کے بعد ان کی  آؤٹ سورسنگ اور نجکاری کی جائیگی ، بجلی تقسیم کار کمپنیاں اپنی کسٹمر سروسز بہتر بنائیں ۔ 

واضح رہے کہ اجلاس میں وفاقی وزیر اقتصادی امور احد خان چیمہ ، وفاقی وزیر نجکاری عبد العلیم خان ، وفاقی وزیر خزانہ و محصولات محمد اورنگزیب ، وفاقی وزیر پاور اویس احمد خان لغاری ، وزیراعظم کے معاون خصوصی برائے پاور محمد علی ، وزیراعظم کے کوآرڈینیٹر رانا احسان افضل اور متعلقہ اعلیٰ سرکاری افسران نے شرکت کی ۔