کراچی میں رواں سال کانگو  وائرس کا پہلا کیس رپورٹ

کراچی میں رواں سال کا پہلا کانگو  وائرس کیس رپورٹ ہوا ہے۔

میڈیا رپورٹس کے مطابق رواں سال کا پہلا کانگو وائرس کیس جناح اسپتال میں رپورٹ ہوا ہے، کل مریض کو بخار اور ڈائریا کے سبب اسپتال لایا گیا تھا۔ مریض کا کانگو ٹیسٹ مثبت آیا ہے، مریض کی عمر 32 سال ہے۔

متاثرہ مریض کو تشویش ناک حالت میں اسپتال کے آئی سی یو میں منتقل کردیا گیا۔

ماہرین کے مطابق کانگو جان لیوا وائرس ہے اور اس سے بچاؤ کے امکانات صرف 10 فیصد ہیں،کانگو وائرس جانوروں سے انسان اور انسان سے انسان میں منتقل ہوتا ہے۔ مسوڑوں، ناک اور فضلے میں خون آنا اور  تیز بخار کانگو وائرس کی علامات ہیں۔