کھیل
پاکستان اور بنگلادیش کا دوسرا ٹیسٹ میچ راولپنڈی منتقل
پی سی بی اگلے برس فروری سے مارچ تک شیڈول چیمپئنز ٹرافی سے قبل لاہور، کراچی اور راولپنڈی کے اسٹیڈیمز کو اپ گریڈ کرنا چاہتا ہے،ذرائع
![پاکستان اور بنگلادیش کا دوسرا ٹیسٹ میچ راولپنڈی منتقل](/media/115254/conversions/Sports-1280x720.jpg)
لاہور : پاکستان اور بنگلادیش کے درمیان کھیلا جانے والا دوسرا ٹیسٹ میچ کراچی سے راولپنڈی منتقل کر دیا گیا ہے۔ اس فیصلے کی بنیادی وجہ کراچی کے نیشنل اسٹیڈیم میں چیمپئنز ٹرافی 2025 کی تیاریوں کے سلسلے میں جاری تعمیراتی کام ہیں۔
پاکستان کرکٹ بورڈ (پی سی بی) نے اس سے قبل دوسرا ٹیسٹ میچ بغیر تماشائیوں کے کروانے کا فیصلہ کیا تھا تاہم سابق کرکٹرز اور شائقین نے اس فیصلے کی شدید تنقید کی تھی۔ پی سی بی کا کہنا ہے کہ اسٹیڈیم میں تعمیراتی کاموں کی وجہ سے شائقین کی حفاظت کو یقینی بنانا ممکن نہیں تھا۔
پی سی بی اگلے برس فروری سے مارچ تک شیڈول چیمپئنز ٹرافی سے قبل لاہور، کراچی اور راولپنڈی کے اسٹیڈیمز کو اپ گریڈ کرنا چاہتا ہے۔ اس کے لیے مجموعی طور پر 12 ارب 80 کروڑ روپے کا بجٹ مختص کیا گیا ہے۔
پاکستان اور انگلینڈ کے درمیان کھیلا جانے والا دوسرا ٹیسٹ میچ کراچی میں شیڈول کے مطابق ہی ہوگا۔
کھیلوں کے تجزیہ کاروں کا کہنا ہے کہ اسٹیڈیموں کی اپ گریڈیشن ایک اچھا قدم ہے اور اس سے پاکستان میں کرکٹ کی سہولیات میں بہتری آئے گی۔ تاہم، انہوں نے یہ بھی کہا کہ اس سے قبل ٹیسٹ میچ بغیر تماشائیوں کے کروانے کا فیصلہ درست نہیں تھا۔
دنیا
نیپال کے صوبہ گنداکی میں بھارتی مسافر بس الٹنے سے 14 افراد ہلاک
ضلع تناہون میں عنبوخائرینی دیہی میونسپلٹی کے چیئرپرسن شکرا چمن نے بتایا کہ حادثے میں 14 افراد ہلاک ہو گئے
![نیپال کے صوبہ گنداکی میں بھارتی مسافر بس الٹنے سے 14 افراد ہلاک](/media/115843/conversions/2316004007389ef-1280x720.jpg)
نیپال کے صوبہ گنداکی میں بھارتی مسافر بس الٹنے سے 14 افراد ہلاک ہو گئے۔
شنہوا کے مطابق ضلعی پولیس کے ترجمان دیپک کمار رایا نے بتایا ہے کہ یہ حادثہ جمعہ کو اس وقت پیش آیا جب بھارتی مسافر بس عن بکھرینی میں مرسیانگدی ندی کے کنارے گر گئی ۔
ضلع تناہون میں عنبوخائرینی دیہی میونسپلٹی کے چیئرپرسن شکرا چمن نے بتایا کہ حادثے میں 14 افراد ہلاک ہو گئے۔ دیگر افراد کی تلاش کے لئے ریسکیو آپریشن جاری ہے ۔ضلعی پولیس کے ترجمان اور نیپال کی مسلح پولیس فورس کے ترجمان نے حادثے میں ہلاکتوں کی تصدیق کرنے سے انکار کر دیا۔
دنیا
بھارت : مسلمان نمائندہ تنظیموں نے وقف ترمیمی بل مسترد کردیا
آل انڈیا مسلم پرسنل لاء بورڈ،جمعیت علمائے ہند، جماعت اسلامی اور جمعیت اہل حدیث کے رہنماوں نے نئی دلی میں پریس کانفرنس کے دوران بل کی مخالفت کا اظہار کیا
![بھارت : مسلمان نمائندہ تنظیموں نے وقف ترمیمی بل مسترد کردیا](/media/115828/conversions/448-252-22274412-thumbnail-16x9-uuu-1280x720.jpg)
بھارت میں مسلمانوں کی نمائندہ تنظیموں نے ''وقف ترمیمی بل دوہزار چوبیس'' کو یکسر مسترد کرتے ہوئے اسے غیر آئینی،غیر جمہوری، غیر منصفانہ اور قانونی شریعت کے منافی قرار دیا۔
آل انڈیا مسلم پرسنل لاء بورڈ،جمعیت علمائے ہند، جماعت اسلامی اور جمعیت اہل حدیث کے رہنماوں نے نئی دلی میں پریس کانفرنس کے دوران بل کی مخالفت کا اظہار کیا۔
آل انڈیا مسلم پرسنل لاء بورڈ کے صدر مولانا خالد سیف اللہ رحمانی نے خبردار کیا کہ اگر ترمیمی بل منظورکیا گیا تو وقف املاک خطرے سے دوچار ہوجائیں گی اور مسلمان اپنے وقف اثاثوں سے محروم ہوسکتے ہیں۔
موسم
محکمہ موسمیات کی جانب سے مون سون کی شدید بارشوں کا انتباہ جاری کیا
انہوں نے کہاکہ مون سون بارشوں کی شدت میں آئندہ ماہ کی دس تاریخ کے بعد بتدریج کمی متوقع ہے جس کے ساتھ موسم برسات ختم ہوجائے گا
![محکمہ موسمیات کی جانب سے مون سون کی شدید بارشوں کا انتباہ جاری کیا](/media/115845/conversions/749093_49870449-1280x720.jpg)
محکمہ موسمیات نے پیر سے اگلے جمعے تک ملک کے جنوبی حصوں میں مون سون کی شدید بارشوں کا انتباہ جاری کیا ہے ۔
محکمہ موسمیات کے سربراہ سردار سرفراز کے مطابق بارشوں کے اس سلسلے سے بلوچستان، سندھ اور جنوبی پنجاب متاثر ہوسکتے ہیں۔
انہوں نے شہریوں کو ہدایت کی کہ وہ اپنا تحفظ یقینی بنانے کیلئے ضروری احتیاطی تدابیر اختیار کریں۔
سردار سرفراز نے خبردار کیا کہ بارشوں کی شدت ہلکی اورزیادہ کے درمیان ہوسکتی ہے جس سے روزمرہ کے معمولات زندگی میں خلل پڑ سکتا ہے ۔
انہوں نے کہاکہ مون سون بارشوں کی شدت میں آئندہ ماہ کی دس تاریخ کے بعد بتدریج کمی متوقع ہے جس کے ساتھ موسم برسات ختم ہوجائے گا۔
-
جرم 17 گھنٹے پہلے
کارساز حادثے کی ایک اور سی سی ٹی وی فوٹیج سامنے آگئی
-
تجارت 2 دن پہلے
نیپرا نے کراچی میں بجلی فیول ایڈجسٹمنٹ کی مد میں 5 روپے76 پیسے فی یونٹ مہنگی کردی
-
پاکستان 16 گھنٹے پہلے
فیڈرل بورڈ : انٹرمیڈیٹ کے سالانہ امتحانات کے نتائج کا اعلان
-
پاکستان ایک دن پہلے
اسلام آباد میں سیاسی جلسے کے پیش نظر سخت سکیورٹی کے انتظامات، سکول بند
-
علاقائی 12 گھنٹے پہلے
سندھ حکومت کا چہلم حضرت امام حسینؓ پر سکولوں میں تعطیل کا اعلان
-
پاکستان ایک دن پہلے
آپریشن عزم استحکام کیلئے 20 ارب روپے گرانٹ کی منظوری
-
دنیا 6 گھنٹے پہلے
نیپال کے صوبہ گنداکی میں بھارتی مسافر بس الٹنے سے 14 افراد ہلاک
-
جرم ایک دن پہلے
اٹک میں نامعلوم افراد کی سکول وین پر فائرنگ: دو بچے جاں بحق