حکومت کی جانب سے قومی اسمبلی کا اجلاس کل طلب کر لیا گیا

اسلام آباد: حکومت نے قومی اسمبلی کا اجلاس کل طلب کرنے کا فیصلہ کرلیا۔

ذرائع کے مطابق وزارت پارلیمانی امور نے قومی اسمبلی اجلاس کل پانچ بجے طلب کرنے کی سمری صدر مملکت کو بھیج دی ہے، حکومت کی طرف سے اہم قانون سازی کی تیاریاں کرلی گئیں ہیں۔

ذرائع کا کہنا تھا کہ الیکشن کمیشن نے حکومتی اتحاد کو قانون سازی کے نتیجے میں ملنے والی مخصوص نشستوں کا نوٹیفکیشن جاری کردیا تو حکومت کو دوتہائی اکثریت حاصل ہوجائے گی۔

ذرائع کا کہنا ہے کہ الیکشن کمیشن کی طرف سے مخصوص نشستوں پر ہونے والی قانون سازی کے بعد نوٹیفکیشن جاری کیے جانا متوقع ہے۔

ذرائع نے بتایا کہ حکومت الیکشن کمیشن کی طرف سے نوٹیفکیشن کے بعد آئینی ترمیم لانے کی تیاری کررہی ہے، متوقع آئینی ترمیم میں سرکاری ملازمین کی مدت ملازمت تین سال تک بڑھائے جانے کی تیاری کی جارہی ہے۔