فیلڈ مارشل سید عاصم منیر کی لیبیائی مسلح افواج کے سربراہ سے ملاقات،دفاعی تعاون بڑھانے پر اتفاق

راولپنڈی: فیلڈ مارشل سید عاصم منیر  سرکاری دورے پر لیبیا پہنچے اور وہاں لیبیا کے آرمی چیف فیلڈ مارشل خلیفہ بلقاسم حفتر اور ڈپٹی کمانڈر ان چیف لیفٹیننٹ جنرل صدام خلیفہ حفتر سے ملاقات کی۔

پاک فوج کے شعبہ تعلقات عامہ (آئی ایس پی آر) کے مطابق لیبیا آمد پر فیلڈ مارشل سید عاصم منیر کو لیبیائی مسلح افواج کے چاق و چوبند دستے کی جانب سے گارڈ آف آنر پیش کیا گیا۔ 

آئی ایس پی آر کے مطابق اس موقع پر دونوں ممالک کے اعلیٰ عسکری حکام کے درمیان ملاقات ہوئی، جس میں باہمی دلچسپی کے امور پر تبادلہ خیال کیا گیا۔

ترجمان کے مطابق دونوں طرف نے تربیت، صلاحیت سازی اور دہشتگردی کے خلاف تعاون کی اہمیت پر زور دیا۔ دونوں ممالک کے درمیان عسکری سطح پر روابط، تربیت اور صلاحیت سازی کے شعبوں میں تعاون بڑھانے پر اتفاق کیا گیا۔

ترجمان پاک فوج کی جانب سے جاری بیان میں مزید کہا گیا ہے کہ  فیلڈ مارشل سید عاصم منیر نے پاکستان کی لیبیا کے ساتھ دفاعی تعلقات مضبوط کرنے کے عزم کو دہرایا۔

سربراہ آئی ایس پی آر کے مطابق فیلڈ مارشل خلیفہ حفتر نے پاکستانی افواج کی پیشہ ورانہ مہارت کی تعریف کی اور دونوں ممالک کے درمیان دفاعی تعاون کو مزید بڑھانے کی خواہش کا اظہار کیا۔

ترجمان کے مطابق فیلڈ مارشل سید عاصم منیر کے استقبال کے موقع پر لیبیا کے مسلح افواج کے چاق چوبند دستے نے گارڈ آف آنر پیش کیا۔