Advertisement
پاکستان

بیرون ملک مقیم بارہ ملین سے زائد پاکستانی ہمارا قیمتی اثاثہ ہیں، وزیراعظم شہباز شریف

سمندر پار پاکستانیوں کی ترسیلاتِ زر، جو سالانہ 38 ارب ڈالر سے زائد ہیں، ملکی معیشت کے لیے مثبت سہارا اور لاکھوں خاندانوں کا ذریعۂ معاش ہیں،وزیر اعظم

GNN Web Desk
شائع شدہ ایک سال قبل پر دسمبر 18 2025، 2:16 شام
ویب ڈیسک کے ذریعے
بیرون ملک مقیم بارہ ملین سے زائد پاکستانی ہمارا قیمتی اثاثہ ہیں، وزیراعظم شہباز شریف

اسلام آباد:وزیر اعظم شہباز شریف کا کہنا ہے کہ بیرون ملک مقیم بارہ ملین سے زائد پاکستانی ہمارا قیمتی سرمایہ ہے جو اپنے مادرِ وطن کی صلاحیتوں اور ثقافت کے سفیر ہونے کے ساتھ پاکستان اور دیگر قوموں کے درمیان مضبوط پل کا کردار ادا کرتے ہیں۔

تفصیلات کے مطابق عالمی یومِ مہاجرین کے موقع پر وزیراعظم محمد شہباز شریف نے اپنے پیغام میں کہا ہے کہ پاکستان دنیا بھر کے ممالک کے ساتھ مل کر اُن افراد کے ہمت و حوصلہ، قربانیوں اور بیش قدر خدمات کو خراجِ عقیدت پیش کرتا ہے جو محنت مزدوری کے لیے اپنا ملک چھوڑ کر دوسرے ممالک کا رخ کرتے ہیں۔

اپنے پیغام میں وزیراعظم نے کہا کہ مہاجرین کی مناسبت سے اس سال یہ دن ’’میری جدوجہد کی کہانی: ثقافتیں اور ترقی‘‘ کے عنوان سے منایا جا رہا ہے، جو اس حقیقت کو اجاگر کرتا ہے کہ انسانی نقل و حرکت بڑے پیمانے پر باعثِ برکت ثابت ہوتی ہے۔ مختلف سماجی پس منظر رکھنے والے افراد کی نقل و حرکت معاشروں کو ثقافتی طور پر مالا مال کرتی ہے اور جدت و تخلیق کو فروغ دیتی ہے۔

انہوں نے کہا کہ کثیرالثقافتی معاشرہ جب باہمی تعاون، وقار اور حقوق کے اصولوں پر استوار ہو تو دیرپا ترقی کو آگے بڑھاتا ہے۔ وزیراعظم کے مطابق بیرونِ ملک مقیم بارہ ملین سے زائد پاکستانی ہمارا قیمتی اثاثہ ہیں جو اپنے مادرِ وطن کی صلاحیتوں اور ثقافت کے سفیر ہونے کے ساتھ پاکستان اور دیگر قوموں کے درمیان مضبوط پل کا کردار ادا کرتے ہیں۔

وزیراعظم نے کہا کہ سمندر پار پاکستانیوں کی ترسیلاتِ زر، جو سالانہ 38 ارب ڈالر سے زائد ہیں، ملکی معیشت کے لیے مثبت سہارا اور لاکھوں خاندانوں کا ذریعۂ معاش ہیں، تاہم مہاجرین کی اصل طاقت اُن کی مہارت، محنت اور عزم میں پوشیدہ ہے۔

جاری پیغام میں شہباز شریف نےمزید کہاکہ حکومت پاکستان بیرونِ ملک جانے والے افراد کو ہنرمند بنانے کے انتظامات کو ضروری سمجھتی ہے کیونکہ آج کی عالمی معیشت میں کامیابی کے لیے فنی مہارت کے ساتھ سماجی صلاحیتیں اور زبانوں پر عبور بھی ناگزیر ہے۔

انہوں نے مزید کہا کہ اسی مقصد کے تحت فنی و پیشہ ورانہ تربیتی نظام کو بین الاقوامی معیار سے ہم آہنگ کیا جا رہا ہے جبکہ سماجی تربیت، مختلف مہارتوں اور غیر ملکی زبانوں کی تعلیم کو فروغ دیا جا رہا ہے۔

وزیراعظم نے کہا کہ پاکستان یورپی یونین ٹیلنٹ پارٹنرشپ سمیت مختلف ممالک کے ساتھ مفاہمتی یادداشتوں کے ذریعے سمندر پار پاکستانیوں کے ہنر کو عالمی سطح پر تسلیم کرانے اور اُن کے حقوق کے تحفظ کے لیے منظم نظام تشکیل دے رہا ہے۔

انہوں نے مزید کہا کہ قومی امیگریشن و بہبود پالیسی اور قومی بحالی پالیسی کے مسودے اس امر کو یقینی بناتے ہیں کہ ملک سے باہر جانے والے ہر فرد کے سفر کے تمام مراحل محفوظ اور باوقار ہوں۔

وزیراعظم شہباز شریف نے کہا کہ آئیے اس دن تجدیدِ عہد کریں کہ ناگزیر حالات میں بیرونِ ملک جانے والوں کو ہنرمند بنانے اور اُن کے لیے مواقع کو زیادہ محفوظ اور بااختیار بنانے میں اپنا کردار ادا کریں تاکہ مشترکہ ترقی کے سفر کو بارآور بنایا جا سکے۔

Advertisement
پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا

  • 12 دن قبل
پہلے ایل پی جی اوراب بجلی بم گرا دیا گیا

پہلے ایل پی جی اوراب بجلی بم گرا دیا گیا

  • 13 دن قبل
پشاور میں نادرا کا اسسٹنٹ ڈائریکٹر فائرنگ سے جاں بحق

پشاور میں نادرا کا اسسٹنٹ ڈائریکٹر فائرنگ سے جاں بحق

  • 14 دن قبل
پیٹرول اور ڈیزل کی قیمتوں میں کمی کا اعلان

پیٹرول اور ڈیزل کی قیمتوں میں کمی کا اعلان

  • 15 دن قبل
راولپنڈی: گھر سے خاتون اینکر ربیعہ احسن کی گولی لگی لاش برآمد

راولپنڈی: گھر سے خاتون اینکر ربیعہ احسن کی گولی لگی لاش برآمد

  • 12 دن قبل
پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا

  • 13 دن قبل
نئی لالی وڈ فلم ’عاشق رنگ رنگیلے‘ سینما گھروں کی زینت بن گئی

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی

  • 13 دن قبل
پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر

  • 14 دن قبل
وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ

  • 12 دن قبل
ڈی جی آئی ایس پی آر کی لاہور کی جامعات آمد، طلبہ سے خصوصی نشستیں

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں

  • 13 دن قبل
پولیس افسران کی ترقیوں کے خلاف پنجاب حکومت کی اپیلیں خارج

پولیس افسران کی ترقیوں کے خلاف پنجاب حکومت کی اپیلیں خارج

  • 13 دن قبل
انڈر 19 ایشیا کپ: پاکستان نے بھارت کو 3 وکٹ سے شکست دے دی

انڈر 19 ایشیا کپ: پاکستان نے بھارت کو 3 وکٹ سے شکست دے دی

  • 12 دن قبل
رجحانات
Advertisement