9 سال کی عمر میں قرآن پاک حفظ کر چکی تھی، لائبہ خان کاانکشاف

لاہور ‘پاکستانی ڈرامہ انڈسٹری کی معروف اداکارہ لائبہ خان نے حال ہی میں ایک انٹرویو میں اپنی زندگی کے ایک دلچسپ پہلو کا انکشاف کیا ہے۔ انہوں نے بتایا کہ وہ 9 سال کی عمر میں قرآن پاک حفظ کر چکی تھیں اور ان کے والد اس لیے نہیں چاہتے تھے کہ وہ شوبز میں آئیں۔

لائبہ خان نے کہا کہ 7 سال کی عمر میں قرآن پاک حفظ کرنا شروع کیا تھا اور صرف دو سال میں اسے مکمل کر لیا تھا۔ انہوں نے کہا کہ والد اس بات سے خوش نہیں تھے کہ ان کی بیٹی شوبز میں آنا چاہتی ہے۔ لائبہ خان نے کہا کہ والد کا کہنا تھا کہ قرآن پاک حفظ کرنے کے بعد شوبز میں آنا مناسب نہیں ہے۔

لائبہ خان نے بتایا کہ ان کی والدہ نے ان کا ساتھ دیا اور انہیں شوبز میں آنے کی اجازت دی۔  والدہ کی سپورٹ نے سب کا رویہ تبدیل کرنے میں اہم کردار ادا کیا۔