ٹیکنالوجی
نیپال نےملک میں سوشل میڈیا پلیٹ فارم ٹک ٹاک سے پابندی ہٹا دی
ماہرین کا کہنا ہے کہ وزیراعظم مستقبل میں بھی اپنی اسی پالیسی کو جاری رکھیں گے، اولی گذشتہ ماہ جولائی میں چوتھی بار نیپال کے وزیر اعظم بنے تھے
نیپال نےملک میں سوشل میڈیا پلیٹ فارم ٹک ٹاک پر سے 9 مہینے بعدپابندی ہٹا دی ہے۔
نیپال کی حکومت نے سماجی ہم آہنگی کے تحفظ کا حوالہ دیتے ہوئے اس سوشل میڈیا ایپ پر پابندی لگا دی تھی، ٹک ٹاک کے چینی مالک کا کہنا ہے کہ وہ نیپال کے اس قدم سے خوش ہیں، اس کیلئےٹک ٹاک کو کچھ شرائط پر عمل کرنا ہوگا۔
نیپال میں سیاحت کو فروغ دینا ہوگا۔
ٹک ٹاک پر مناسب زبان کا بھی خیال رکھنا ہوگا۔
یاد رہے کہ نیپال کی پچھلی حکومت نے ملک میں ٹک ٹاک پر پابندی لگا دی تھی، اس وقت ٹک ٹاک پر نفرت پھیلانے والی چیزوں کو روکنے سے انکار کرنے کا الزام لگایا گیا تھا، نیپال کے نئے وزیر اعظم کے پی شرما اولی چین کے ساتھ بہتر تعلقات کے حامی ہیں۔
ماہرین کا کہنا ہے کہ وزیراعظم مستقبل میں بھی اپنی اسی پالیسی کو جاری رکھیں گے، اولی گذشتہ ماہ جولائی میں چوتھی بار نیپال کے وزیر اعظم بنے تھے۔
پاکستان
عالمی اداروں کی اسرائیل کیخلاف رپورٹس فرد جرم ہے، وزیراعظم
اقوام متحدہ کی تازہ ترین رپورٹ خوفناک اور مظلوم فلسطینیوں کی نسل کشی کے اسرائیلی جرم کا تازہ ثبوت ہے، شہباز شریف
وزیراعظم شہباز شریف نے کہاکہ عالمی اداروں کی اسرائیل کے خلاف رپورٹس فرد جرم ہے۔
وزیراعظم شہباز شریف نے فلسطینیوں کی اپنی سرزمین سے جبری بے دخلی اور بچوں کی غذائی قلت سے متعلق انسانی امور پر اقوام متحدہ کے ادارے (او سی ایچ اے) کی تازہ رپورٹ پر عالمی برادری کے فوری اقدامات کا مطالبہ کیا۔
شہباز شریف نے کہا ہے کہ انسانیت کے خلاف جرائم کرنے والی اسرائیلی ریاست کو کٹہرے میں کھڑا نہ کیا گیا تو عالمی ادارے خود کٹہرے میں کھڑے ہوں گے،عالمی اداروں کی رپورٹس اسرائیل کے خلاف سنگین فرد جرم ہے۔
وزیر اعظم آفس کے میڈیا ونگ سے جاری بیان کے مطابق وزیر اعظم نے کہا کہ اقوام متحدہ کی تازہ ترین رپورٹ خوفناک اور مظلوم فلسطینیوں کی نسل کشی کے اسرائیلی جرم کا تازہ ثبوت ہے۔ اقوام متحدہ کی رپورٹ گواہی دے رہی ہے کہ کوئی دن ایسا نہیں جس میں بے گناہ فلسطینیوں کا لہو نہ بہایا گیا ہو۔
وزیراعظم نے کہا کہ اقوام متحدہ کی رپورٹ بتا رہی ہے کہ اسرائیل کا سب سے بڑا نشانہ فلسطینی بچے بن رہے ہیں،صاف نظر آ رہا ہے کہ اسرائیل فلسطینیوں کی نسل ختم کر رہا ہے۔
انہوں نے کہا کہ فلسطینیوں کی نسل کشی کا سلسلہ شروع ہوئے 322 دن ہوگئے ہیں،اگست کے مہینے میں اڑھائی لاکھ فلسطینیوں کی ان کے گھروں سے جبری بے دخلی عالمی اداروں، عالمی ضمیر اور عالمی قانون کے لئے چیلنج ہے۔
شہباز شریف کا کہنا تھا کہ صرف دو دن میں 146 فلسطینیوں کی اپنے گھروں سے ناحق بے دخلی سے اسرائیلی ظلم کی رفتار کا اندازہ لگایا جا سکتا ہے،اقوام متحدہ کے ادارے کی رپورٹ سے تصدیق ہوتی ہے کہ ایک طرف مہلک ہتھیاروں سے فلسطینیوں کی نسل کشی جاری ہے تو دوسری طرف بھوک کو ہتھیار کے طور پر استعمال کیا جا رہا ہے۔
وزیراعظم نے کہا کہ شمالی غزہ میں صرف ایک فیصد اور جنوبی علاقے میں چھ فیصد بچوں کو خوراک مل رہی ہے،اسرائیل فضا، زمین اور سمندر سے آگ اور بارود برسا کر عام فلسطینیوں کا قتل عام تیز کر چکا ہے۔
انہوں نے کہا کہ انسانیت کے خلاف جرائم کرنے والی اسرائیلی ریاست کو کٹہرے میں کھڑا نہ کیا گیا تو عالمی ادارے خود کٹہرے میں کھڑے ہوں گے،عالمی اداروں کی رپورٹس اسرائیل کے خلاف سنگین فرد جرم ہے۔
شہباز شریف نے کہا کہ انسانیت کے قاتلوں کو سزا دی جائے، مظلوموں کا تحفظ کیا جائے،پاکستان فلسطینیوں خاص طور پر بچوں کے لیے خوراک کی ترسیل کو مزید تیز کرے گا۔
پاکستان
پاک فوج کا کامیاب ریسکیو آپریشن: 7کوہ پیماؤں کو بچا لیا
کوہ پیما ئی ٹیم 20,100 فٹ کی بلند چوٹی پر چڑھائی کے دوران شدید موسمی حالات اور ہائی ایلٹیٹیوڈ سکنس کا شکار ہوگئی تھی
گلگت بلتستان:پاک فوج نے ایک بار پھر اپنی بہادری اور پیشہ ورانہ مہارت کا مظاہرہ کرتے ہوئے گلگت بلتستان کے ایک دشوار گزار علاقے میں پھنسے 7کوہ پیماؤں کو کامیابی سے بچا لیا ہے۔
تفصیلات کے مطابق ایک بین الاقوامی کوہ پیمائی ٹیم جو تین روسی اور چار پاکستانی کوہ پیماؤں پر مشتمل تھی، 20,100 فٹ کی بلند چوٹی پر چڑھائی کے دوران شدید موسمی حالات اور ہائی ایلٹیٹیوڈ سکنس کا شکار ہوگئی۔ شدید برفباری اور تیز ہواؤں کی وجہ سے یہ کوہ پیما اپنی جان بچانے کے لیے شدید مشکلات کا سامنا کر رہے تھے۔
اس خطرناک صورتحال کا نوٹس لیتے ہوئے متاثرہ کوہ پیماؤں نے فوری طور پر پاک فوج سے مدد کی درخواست کی۔ پاک فوج نے بغیر کسی تاخیر کے ایک ریسکیو آپریشن شروع کیا اور ہیلی کاپٹرز کے ذریعے متاثرہ علاقے میں پہنچ کر کوہ پیماؤں کو محفوظ مقام پر منتقل کر لیا۔
ریسکیو آپریشن میں شامل پاک فوج کے اہلکاروں نے انتہائی مشکل حالات میں اپنی جان کی پرواہ کیے بغیر اس آپریشن کو کامیاب بنایا۔ تمام کوہ پیماؤں کو طبی امداد فراہم کی گئی ۔ اس کامیاب ریسکیو آپریشن پر تمام کوہ پیماؤں نے پاک فوج کا شکریہ ادا کیا ۔
موسم
ملک کے مختلف شہروں میں تیز ہواؤں کیساتھ بارش کی پیشگوئی
مری، گلیات، راولپنڈی سمیت کئی اضلاع میں تیز ہواؤں اور گرج چمک کے ساتھ بارش کی توقع
اسلام آباد: ملک میں مون سون کا ایک اور طاقت ور سسٹم برسنے کو تیار ہے۔ جنوبی سندھ کل سے طوفانی بارشوں کا امکان ہے جبکہ کراچی میں اربن فلڈنگ کاخدشہ ہے۔
محکمہ موسمیات نے ملک کے مختلف شہروں میں بارش کی پیشگوئی کرتے ہوئے عوام کو الرٹ رہنے کی ہدایت کی ہے۔مری، گلیات، راولپنڈی سمیت کئی اضلاع میں تیز ہواؤں اور گرج چمک کے ساتھ بارش کی توقع ہے۔
محکمہ موسمیات کے مطابق مٹھی، تھر پارکر، میرپورخاص سمیت کئی علاقوں میں تیز ہواؤں اور گرج چمک کے ساتھ بارش کی پیشگوئی کی گئی ہے۔ خاص طور پر مٹھی، تھر پارکر اور میر پور خاص میں موسلادھار بارش کا بھی خدشہ ہے۔ اس کے علاوہ ژوب اور بارکھان سمیت کچھ علاقوں میں تیز ہواؤں اور گرج چمک کے ساتھ بارش کا امکان ہے۔
محکمہ موسمیات نے خبردار کر دیا!#GNN #BreakingNews #NewsUpdates #GNN_Updates pic.twitter.com/SdGbwsXUZx
— GNN (@gnnhdofficial) August 24, 2024
چترال، دیر، سوات سمیت کئی شمالی اضلاع میں تیز ہواؤں اور گرج چمک کے ساتھ بارش اور بعض مقامات پر موسلادھار بارش کا امکان ہے۔اسلام آباد اور گردونواح میں موسم گرم اور مرطوب رہنے کے ساتھ ساتھ تیز ہواؤں اور گرج چمک کے ساتھ بارش کا امکان ہے۔
-
تجارت ایک دن پہلے
مرکزی تنظیم تاجران نے 8 ستمبر کو ملک گیر شٹرڈاون ہڑتال کا اعلان
-
جرم ایک دن پہلے
کارساز حادثے کی ایک اور سی سی ٹی وی فوٹیج سامنے آگئی
-
پاکستان 2 دن پہلے
مبارک ثانی کیس : سپریم کورٹ نے متناذعہ پیراگراف فیصلے سے حذف کردیے
-
علاقائی ایک دن پہلے
سندھ حکومت کا چہلم حضرت امام حسینؓ پر سکولوں میں تعطیل کا اعلان
-
تجارت 6 گھنٹے پہلے
سونے کی اُڑان ،نئی تاریخ رقم!
-
جرم 2 دن پہلے
اٹک میں نامعلوم افراد کی سکول وین پر فائرنگ: دو بچے جاں بحق
-
پاکستان 5 گھنٹے پہلے
پاک فوج کا کامیاب ریسکیو آپریشن: 7کوہ پیماؤں کو بچا لیا
-
علاقائی ایک دن پہلے
سرگودھا : موٹر وے پر 4 کار سوار پر اسرار طور پر ہلاک