ایران سے آنیوالی بس کھائی میں جاگری، 12 زائرین جاں بحق ، 35 زخمی 

مکران کوسٹل ہائی وے پر بزی ٹاپ کے قریب ایران سے آنے والی زائرین کی بس بریک فیل ہونے کے باعث کھائی میں جا گری۔ اس حادثے میں 10 افراد جاں بحق اور 30 سے زائد زخمی ہو گئے ہیں۔

پولیس کے مطابق جاں بحق اور زخمی تمام کے تمام زائرین تھے جو ایران سے زیارت کے بعد اپنے گھروں کو واپس جا رہے تھے۔ زائرین کا تعلق زیادہ تر لاہور اور گوجرانوالہ سے بتایا جاتا ہے۔

حادثے کی اطلاع ملتے ہی ریسکیو اہلکار فوری طور پر موقع پر پہنچے اور زخمیوں کو قریبی ہسپتالوں میں منتقل کیا۔ جاں بحق افراد کی لاشیں بھی ہسپتال میں منتقل کر دی گئیں ہیں۔

صبح سویرے افسوسناک خبر!#GNN #BreakingNews #NewsUpdates #GNN_Updates pic.twitter.com/wATGlFCs3F

— GNN (@gnnhdofficial) August 25, 2024

حادثے کی اصل وجہ ابھی تک معلوم نہیں ہو سکی ہے۔ تاہم ابتدائی اطلاعات کے مطابق بس کے بریک فیل ہونے کی وجہ سے یہ حادثہ پیش آیا ہے۔ پولیس نے واقعے کی تحقیقات شروع کر دی ہیں۔

پولیس اور لیویز سمیت دیگر ادارے ریسکیو آپریشن میں مصروف ہیں۔

یاد رہے کہ کچھ دن پہلے بھی ایران میں پاکستانی زائرین کی بس کو حادثہ پیش آیا تھا جس میں 35 افراد جاں بحق اور 15 زخمی ہوگئے تھے، حادثے میں جاں بحق پاکستانیوں کی میتیں 2روز قبل ایران سے خصوصی طیارے کے ذریعے پاکستان لائی گئی تھیں ۔