حکومت کا بجلی کے پری پیڈ میٹرز لانے کا منصوبہ زیر غور

وفاقی وزیر توانائی اویس لغاری نے آئندہ ایک برس میں بجلی کی قیمتوں میں کمی کی پیش گوئی کرتے ہوئے کہا ہے کہ پری پیڈ میٹرز کا منصوبہ زیر غور ہے جیسے فون میں پری پیڈ سسٹم ہوتا ہے، اسی طرح کا میٹر بھی ملنا چاہیے۔

ملتان میں پریس کانفرنس کے دوران انہوں نے کہا کہ کوشش ہے کہ بجلی چوری سےہونے والا نقصان گزشتہ سال سےکم ہو، بجلی چوری قابل برداشت نہیں ہے، انہوں نے کہا کہ بجلی چوری کم کرنےکےلیےاقدامات کر رہے ہیں، بجلی صارفین کو سہولیتیں دینے کے لیے اقدامات جاری ہیں۔

اویس لغاری نے کہا کہ پاور سیکٹر کو درپیش مسائل کو حل کیا جائے گا۔ 45 ارب روپے کا ریلیف عام آدمی تک پہنچائیں گے۔ بجلی کی تقسیم کار کمپنیاں زیر بحث ہیں۔ کیپسٹی پیمنٹ روپے کی قدر کم ہونے سے دگنی ہوگئی۔

انہوں نے کہا کہ ایک سال میں بجلی کی قیمتوں میں خاطر خواہ کمی کی جائے گی۔ ایک سے ڈیڑھ ہفتے میں سندھ اور بلوچستان کی کمپنیز کا دورہ ہوگا۔  ریلیف کو عام آدمی تک پہنچایا جائےگا، بجلی کی تقسیم کار کمپنیوں کے ساتھ گفتگو کر رہے ہیں