پاکستان
ضلع خیبر میں سکیورٹی فورسز کا خفیہ اطلاع پر آپریشن، 25 دہشتگرد جہنم واصل
آپریشن کے دوران پاک فوج کے 4 جوانوں نے جام شہادت نوش کیا، آئی ایس پی آر
![ضلع خیبر میں سکیورٹی فورسز کا خفیہ اطلاع پر آپریشن، 25 دہشتگرد جہنم واصل](/media/116249/conversions/27155857347ca27-1280x720.jpg)
سکیورٹی فورسز کا خفیہ اطلاع پر ضلع خیبر کی وادی تیراہ میں آپریشن، فتنہ الخوارج کے 25 دہشتگردوں کو جہنم واصل کر دیا گیا۔
پاک فوج کے شعبہ تعلقات عامہ (آئی ایس پی آر) کے مطابق وادی تیراہ میں 20 اگست سے جاری آپریشن میں ابتک 25 دہشت گردوں کو ہلاک کردیا گیا ہے جبکہ 11 خوارج زخمی بھی ہوئے۔ آپریشن کے دوران پاک فوج کے 4 سپاہی بھی شہید ہوگئے۔
ترجمان پاک فوج کے مطابق سکیورٹی فورسز علاقے میں فتنہ الخوارج اور نام نہاد لشکر اسلام اور جماعت الاحرار کے خلاف انٹیلی جنس پر مبنی آپریشنزکررہی ہے۔ اس عرصے کے دوران خارجی سرغنہ ابوذر صدام کو بھی ہلاک کردیا گیا۔
واضح رہے کہ گزشتہ روز بھی پاکستانی سکیورٹی فورسز اور قانون نافذ کرنے والے اداروں نے بلوچستان میں دہشتگردوں کی متعدد کارروائیوں کو ناکام بنایا، اس دوران 21 دہشتگرد ہلاک ہوئے اور سکیورٹی فورسز اور قانون نافذ کرنے والے اداروں کے 14 اہلکاروں نے جام شہادت نوش کیا۔
آئی ایس پی آر نے مزید کہا کہ ان کارروائیوں میں فتنہ الخوارج کو پہنچنے والا بھاری نقصان ملک سے دہشت گردی کی لعنت کو ختم کرنے کے لیے سکیورٹی فورسز کی بہادری اور عزم کا منہ بولتا ثبوت ہے۔
پاکستان
چین کی بلوچستان میں دہشت گردی کی مذمت ،پاکستان سے سکیورٹی تعاون بڑھانے کا اعلان
چین انسداد دہشت گردی کی کارروائیوں میں پاکستان کی بھرپور حمایت جاری رکھے گا، ترجمان وزارت خارجہ
![چین کی بلوچستان میں دہشت گردی کی مذمت ،پاکستان سے سکیورٹی تعاون بڑھانے کا اعلان](/media/116262/conversions/27180039c441f7b-1280x720.jpg)
چین نے بلوچستان میں حالیہ دہشت گرد حملوں کی شدید مذمت کرتے ہوئے پاکستان سے سکیورٹی تعاون بڑھانے کا اعلان کیا ہے۔
چینی وزارت خارجہ کے ترجمان نے پریس بریفنگ کے دوران کہا کہ ہم دہشتگرد حملوں کی شدید مذمت اور ان حملوں میں جانوں کے ضیاع پر گہرے دکھ کا اظہار کرتے ہیں۔
انہوں نے کہا کہ چین انسداد دہشت گردی کی کارروائیوں میں پاکستان کی بھرپور حمایت جاری رکھے گا۔
ترجمان کا کہنا تھا کہ چین ہر قسم کی دہشت گردی کے خلاف مضبوط کھڑا ہے۔ ہم انسداد دہشت گردی کی کارروائیوں کو آگے بڑھانے، سماجی یکجہتی اور استحکام کو برقرار رکھنے اور لوگوں کے تحفظ کے لیے پاکستان کی بھرپور حمایت جاری رکھیں گے۔
چینی وزارت خارجہ کے ترجمان نے کہا کہ چین پاکستان کے ساتھ انسداد دہشت گردی اور سکیورٹی تعاون کو مزید بڑھانے اور خطے میں امن و سلامتی کے مشترکہ تحفظ کے لیے تیار ہے۔
واضح رہے کہ بلوچستان کے متعدد اضلاع میں دہشت گردی کے پے در پے واقعات میں 37 سے زائد فراد جاں بحق ہوئے۔
پاکستان
بلوچستان میں کسی آپریشن کی ضرورت نہیں،محسن نقوی
یہ دہشت گرد صرف ایک ایس ایچ او کی مار ہیں اور ان کے لیے کوئی خاص منصوبہ بندی کرنے کی ضرورت نہیں ہے
![بلوچستان میں کسی آپریشن کی ضرورت نہیں،محسن نقوی](/media/116234/conversions/MohsinNaqvi-1280x720.jpg)
کوئٹہ: وفاقی وزیر محسن نقوی نے بلوچستان میں دہشت گردی کے حالیہ واقعے پر شدید افسوس کا اظہار کرتے ہوئے کہا ہے کہ یہ دہشت گرد صرف ایک ایس ایچ او کی مار ہیں اور ان کے لیے کوئی خاص منصوبہ بندی کرنے کی ضرورت نہیں ہے۔
وزیر اعلیٰ بلوچستان سرفراز بگٹی سے ملاقات کے بعد میڈیا سے گفتگو کرتے ہوئے محسن نقوی نے کہا کہ دشمن نے چھپ کر حملہ کیا ہے ،بلوچستان میں کسی بھی قسم کے آپریشن کی ضرورت نہیں ہے۔ انہوں نے کہا کہ بلوچستان کی حکومت امن و امان کی صورتحال کو بہتر بنانے کے لیے جو بھی فیصلے کرے گی، وفاقی حکومت اس کی پوری حمایت کرے گی۔
وزیرداخلہ محسن نقوی نے مزید کہا کہ جو لوگ یہ سوچ رہے ہیں کہ اس طرح کے واقعات سے وہ ہمیں ڈرا سکتے ہیں، انہیں بہت جلد اچھا پیغام ملے گا۔ انہوں نے واضح کیا کہ بلوچستان کی حکومت جاگ رہی ہے اور دہشت گردوں کے خلاف سخت کارروائی کی جا رہی ہے۔
اس موقع پر وزیراعلیٰ سرفراز بگٹی نے کہا کہ حالیہ حملے میں ایک کیپٹن شہید ہوئے ہیں جنہوں نے بلوچستان کے لوگوں کے لیے اپنی جان قربان کی ہے۔ انہوں نے کہا کہ دہشت گردوں کے خلاف جوابی کارروائی کے لیے تمام ممکنہ اقدامات کیے جا رہے ہیں۔
سرفراز بگٹی نے بتایا کہ دہشت گرد بہت چھوٹے گروہوں میں کام کرتے ہیں اور دور دراز علاقوں میں کمزور اہداف کو نشانہ بناتے ہیں۔
محسن نقوی نے یقین دلایا کہ وفاقی حکومت بلوچستان میں امن و امان بحال کرنے کے لیے اپنی پوری کوشش کرے گی۔ انہوں نے کہا کہ دہشت گردوں کے خلاف جنگ جاری رہے گی اور ان کو شکست دی جائے گی۔
جرم
کراچی میں کارساز جان لیوا حادثہ کیس میں ملزمہ نتاشہ کیس میں پیش رفت رک گئی
ایک ہفتہ قبل تیز رفتار گاڑی میں سوار ملزمہ نے موٹرسائیکل سواروں اور دوسری گاڑیوں کو روند ڈالا تھا، حادثے میں باپ اور بیٹی جاں بحق جبکہ 5 افراد زخمی ہوئے تھے
![کراچی میں کارساز جان لیوا حادثہ کیس میں ملزمہ نتاشہ کیس میں پیش رفت رک گئی](/media/116264/conversions/karsaz-accident-1-768x384-1280x720.jpg)
کراچی : کراچی میں کارساز جان لیوا حادثہ کیس میں ملزمہ نتاشہ کی میڈیکل رپورٹ معمہ بن گئی۔
تفصیلات کت مطابق کیس کی تفتیش کو بریک لگ گئی،کیس میں کسی قسم کی بھی پیش رفت نہ ہوسکی ، ملزمہ نتاشہ کی میڈیکل ایگزامن رپورٹ کئی روز بعد بھی نہ آسکی ،19اگست کو ہونے والے حادثے کو8روز گزر گئے ۔
تفتیشی ذرائع کے مطابق 8روز میں 3سرکاری تعطیلات بھی ہوئیں ، پولیس حکام کو بھی میڈیکل رپورٹ کا انتظار ہے،وکلاء کی موجودگی میں ملزمہ کا ابتدائی بیان بھی لیا گیا، ملزمہ کے بیان سے بھی پولیس کو کوئی مدد نہ مل سکی۔
واضح رہے ایک ہفتہ قبل تیز رفتار گاڑی میں سوار ملزمہ نے موٹرسائیکل سواروں اور دوسری گاڑیوں کو روند ڈالا تھا، حادثے میں باپ اور بیٹی جاں بحق جبکہ 5 افراد زخمی ہوئے تھے۔
-
پاکستان ایک دن پہلے
منی لانڈرنگ کیس،عدالتی احکامات پر پی ٹی آئی رہنما مونس الٰہی کا شناختی کارڈ بلاک
-
دنیا 10 گھنٹے پہلے
سوڈان میں ڈیم کا بند ٹوٹ گیا، 30 افراد ہلاک، ہزاروں افراد بے گھر
-
پاکستان 20 گھنٹے پہلے
28 اگست کو پورے ملک میں ہڑتال کریں گے، نائب امیر جماعت اسلامی
-
علاقائی 6 گھنٹے پہلے
سندھ میں مفرور اساتذہ کیخلاف کریک ڈاؤن، نوکریوں سے برطرفی کا فیصلہ
-
پاکستان ایک دن پہلے
حکومت کا بجلی کے پری پیڈ میٹرز لانے کا منصوبہ زیر غور
-
پاکستان 4 گھنٹے پہلے
مولانا فضل الرحمٰن کا تاجروں کی ہڑتال کی حمایت کا اعلان
-
تجارت ایک دن پہلے
یکم ستمبر سے ملک میں پیٹرولیم مصنوعات کی قیمتوں میں کمی کا امکان
-
کھیل 3 گھنٹے پہلے
پاک بنگلہ دیش ٹیسٹ سیریز،طلباء کی اسٹیڈیم میں انٹری فری