دنیا
جاپان کا چین کے طیارے پر جاسوسی کا الزام
جاپان کے چیف کیبنٹ سیکریٹری نے اس خلاف ورزی کو مکمل طور پر ناقابل قبول قرار دیا اور احتجاجا ٹوکیو میں چینی سفارت خانے کے ایک اہلکار کو طلب کیا
![جاپان کا چین کے طیارے پر جاسوسی کا الزام](/media/116302/conversions/جاسوس-طیارہ-1280x720.jpg)
جاپان نے الزام عائد کیا ہے کہ چین کے جاسوس طیارے نے اس کے ملک کی فضائی حدود کی خلاف ورزی کی ہے۔
جاپانی حکام کے مطابق چینی جاسوس طیارے نے مقامی وقت کے مطابق 11 بج کر 29 منٹ پر تقریبا دو منٹ تک ڈانجو جزائر کی فضائی حدود کی خلاف ورزی کی۔
جاپان کے چیف کیبنٹ سیکریٹری نے اس خلاف ورزی کو مکمل طور پر ناقابل قبول قرار دیا اور احتجاجا ٹوکیو میں چینی سفارت خانے کے ایک اہلکار کو طلب کیا۔
یہ واقعہ ایک ایسے وقت میں سامنے آیا ہے جب خطے میں کشیدگی میں اضافہ ہو رہا ہے، جہاں چین امریکہ اور جاپان سمیت اس کے اتحادیوں کے خلاف اثر و رسوخ کے لیے مقابلہ کر رہا ہے۔
پاکستان
وزیراعظم سے وفاقی وزیر داخلہ اور وزیر اعلیٰ بلوچستان کی ملاقات
وفاقی وزیر داخلہ اور وزیر اعلیٰ بلوچستان نے وزیراعظم کو بلوچستان کی سیکیورٹی و مجموعی صورتحال پر تفصیلی بریفنگ بھی دی
![وزیراعظم سے وفاقی وزیر داخلہ اور وزیر اعلیٰ بلوچستان کی ملاقات](/media/116280/conversions/1794c360-0d5f-4295-b414-8bb20203376a-1280x720.jpg)
وزیراعظم محمد شہباز شریف سے وفاقی وزیر داخلہ سید محسن رضا نقوی اور وزیر اعلیٰ بلوچستان سرفراز بگٹی کی ملاقات ہوئی ۔
وفاقی وزیر داخلہ اور وزیر اعلیٰ بلوچستان نے وزیراعظم کو بلوچستان کی سیکیورٹی و مجموعی صورتحال پر تفصیلی بریفنگ بھی دی ۔
وزیر اعظم نے کہا کہ بلوچستان میں گزشتہ روز ہونے والے دہشت گرد حملے بزدلانہ کارروائیاں تھیں جن کا کوئی جواز پیش نہیں کیا جا سکتا ۔
انہوں نے مزید کہا کہ ہماری بہادر سیکیورٹی فورسز نے اپنی جانوں کا نذرانہ پیش کر کے دہشت گردوں کے عزائم کو ناکام بنایا ہے ۔
وزیراعظم نے بلوچستان میں امن و امان کی صورتحال بہتر بنانے کے حوالے سے ہر ممکن اقدامات کی ہدایت بھی کی ہے ۔
وزیر اعظم نے دہشت گردوں کی نشاندہی کر کے ان کے خلاف بھرپور کارروائی کی ہدایات بھی جاری کیں ۔
ٹیکنالوجی
آئی فون 16 سیریز کی ڈیوائسز کی تاریخ رونمائی کا اعلان
دنیا میں ویسے تو متعدد کمپنیاں سمارٹ فونز تیار کرتی ہیں مگر ایپل کے آئی فونز کو دنیا میں سب سے زیادہ خاص سمجھا جاتا ہے
![آئی فون 16 سیریز کی ڈیوائسز کی تاریخ رونمائی کا اعلان](/media/116267/conversions/377156_6924597_updates-1280x720.jpg)
سمارٹ فونز بنانے والی کمپنی ایپل نے آئی فون 16 سیریز کی ڈیوائسز کی تاریخ رونمائی کا اعلان کر دیا ہے۔
دنیا میں ویسے تو متعدد کمپنیاں سمارٹ فونز تیار کرتی ہیں مگر ایپل کے آئی فونز کو دنیا میں سب سے زیادہ خاص سمجھا جاتا ہے،اسی وجہ سے ہر سال دنیا میں کروڑوں لوگ نئے آئی فونز کی لانچنگ کا بے صبری سے انتظار کرتے رہتےہیں۔
اس سال 2024میں ایپل کی طرف سےآئی فون16سیریز کو متعارف کیا جانا ہےاور اب اسکی ممکنہ تاریخ سامنے آگئی ہے،عالمی میڈیا کے مطابق ایپل کے نئے آئی فونز 9 ستمبر 2024کو ایک ایونٹ کے دوران متعارف کرائے جائیں گے۔
واضح رہے کہ کمپنی کی جانب سے 9 ستمبر کو ایک ایونٹ کے انعقاد کا اعلان کیا گیا ہے جسے گلو ٹائم کا نام دیا گیا ہے، ایپل نے ایونٹ کے حوالے سے مزید تفصیلات جاری نہیں کیں۔
تجارت
حکومت کا یوٹیلٹی سٹورز بند کرنے کا فیصلہ ظالمانہ ہے ، شازیہ مری
انہوں نے مزید کہا موجودہ مہنگائی میں یوٹیلٹی سٹورز کو بند کرنے کا فیصلہ غیر مناسب اور ظالمانہ ہے، عوام کی ضروریات کے پیش نظر قائد عوام شہید ذوالفقار علی بھٹو نے 50سال قبل یوٹیلیٹی سٹورز کارپوریشن قائم کی
![حکومت کا یوٹیلٹی سٹورز بند کرنے کا فیصلہ ظالمانہ ہے ، شازیہ مری](/media/116283/conversions/1384678_9641910_Shazia-Marri_updates-1280x720.jpg)
مرکزی ترجمان پی پی پی شازیہ مری کا کہنا ہے موجودہ مہنگائی میں یوٹیلٹی اسٹورز کو بند کرنے کا فیصلہ غیر مناسب اور ظالمانہ ہے۔
تفصیلات کے مطابق شازیہ مری نے کہا ہے حکومت کا یوٹیلیٹی سٹورز بند کرنے کا فیصلہ ظالمانہ اور انتہائی افسوسناک ہے، ایسے فیصلے کرنے سے پہلے غور و فکر ،بحث اور عوامی مشکلات کو سمجھنے کی ضرورت ہوتی ہے، ملک کے لوگوں کو سستی اشیاء خوردونوش فراہم کرنے کیلے ریلیف کا کوئی اور ادارہ نہیں ہے ۔
انہوں نے مزید کہا موجودہ مہنگائی میں یوٹیلٹی سٹورز کو بند کرنے کا فیصلہ غیر مناسب اور ظالمانہ ہے، عوام کی ضروریات کے پیش نظر قائد عوام شہید ذوالفقار علی بھٹو نے 50سال قبل یوٹیلیٹی سٹورز کارپوریشن قائم کی ۔
انہوں نے کہا کہ اگر حکومت واقعی عوام کی خدمت کرنا چاہتی ہے تو اس فیصلے کو فوری طور پرواپس لے۔
-
تجارت ایک دن پہلے
انٹربینک مارکیٹ میں ڈالر کی قیمت میں 8 پیسے کمی
-
علاقائی 14 گھنٹے پہلے
سندھ میں مفرور اساتذہ کیخلاف کریک ڈاؤن، نوکریوں سے برطرفی کا فیصلہ
-
ٹیکنالوجی 2 دن پہلے
ٹیلی گرام کے بانی پاول دورو فرانس میں گرفتار
-
پاکستان ایک دن پہلے
28 اگست کو پورے ملک میں ہڑتال کریں گے، نائب امیر جماعت اسلامی
-
پاکستان 2 دن پہلے
ملک کے ساتھ غداری کرنے والوں کا انجام بڑا بھیانک ہوتا ہے، اسحاق ڈار
-
پاکستان 16 گھنٹے پہلے
پی ٹی آئی میں اختلاف شدت اختیار کر گئے، عاطف خان اور شیر علی عہدوں سے فارغ
-
پاکستان 2 دن پہلے
پی ٹی آئی کا 27 اگست کو لاہور میں ہونے والا جلسہ بھی ملتوی
-
پاکستان 9 گھنٹے پہلے
الیکشن کمیشن کا این اے 79 گوجرانوالہ میں ووٹو ں کی دوبارہ گنتی کا حکم