بہاولپور : پنجاب ریونیواتھارٹی آفس کے  آپریشنل ہونے کا نوٹیفکیشن جاری

لاہور :پنجاب کے مزید 12 اضلاع میں پنجاب ریونیو اتھارٹی کا دائرہ کار بڑھانے کا معاملہ پر مزید پیش رفت ہوئی ۔ 

تفصیلات کے مطابق ترجمان پی آر اے ( پنجاب ریونیو اتھارٹی )  نے کہا کہ وزیر اعلی پنجاب کی ہدایت کے پیش نظر بہاولپور میں پی آر اے آفس کے  آپریشنل ہونے کا نوٹیفکیشن جاری کر دیا گیا ہے ۔ 

انہوں نے کہا کہ  خاص حکمت عملی کے تحت دیگر 11 اضلاع میں بھی دفاتر کا قیام عمل میں لایا جائے گا ،  اسکے علاوہ ریونیو وسائل بڑھانے کے لئے بھی پنجاب ریونیو اتھارٹی متحرک ہوگئ ہے ۔ 

ترجمان پی آر اے نے کہا کہ پی آر اے کے ریونیو ہدف میں 50 ارب روپے کے اضافہ بھی کیا گیا ہے ،پی آر اے چیئرمین نعمان یوسف  نے کہا کہ  نئے اضلاع میں پی آر اے دفاتر کے قیام سے ٹیکس پیئرز کو سہولت فراہم ہوسکے گی ۔ 

دیگر اضلاع میں دفاتر قائم ہونے سے ریونیو میں بھی خاطر خواہ اضافہ دیکھنے کو ملے گا ۔