جہانگیر ترین کو این آر اودیکر بجٹ پاس کرانے کی کوشش ہو رہی ہے : راناثناء اللہ

تفصیلات کے مطابق سابق وزیرقانون پنجاب  اور لیگی رہنماراناثنااللہ کی عدالت میں پیشی کےبعدمیڈیاسےگفتگو کرتے ہوئے کہاکہ حکومت کا انتقامی احتساب کھل کرسامنے آگیا، تین سال میں سوائے انتقام کے کچھ نہیں کیا گیا، ملکی سیاست کو خراب کرنے کیلئے عمران نیازی کی شکل میں ڈرامہ رچایا گیا، ان کاکہنا تھا کہ  اس احتساب پر کوئی اعتبار کرنے کو تیار نہیں ۔

سابق وزیرقانون پنجاب  کاکہنا تھا کہ ذاتی طور پرسمجھتا ہوں کہ  جہانگیر ترین کیخلاف بھی انتقامی کارروائی ہو رہی تھی، احتساب کا ڈرامہ پوری دنیا کے سامنے بے نقاب ہوگیا ، یہ شہباز شریف کیخلاف بھی کچھ نہیں نکال پائے ، نیب سے کچھ نہ بناتو ایف آئی اے کو آگے لگایا   گیا۔ این آر او نہ دینے کے دعوی کرنے والوں نے جہانگیر ترین کو این آر او دے دیا۔ لیگی رہنمانے مزید کہاکہ  ایف آئی اے کے لاہور میں ڈائریکٹر اپنی پوری سروس کو انتقامی سوچ کی نظر نہ کریں، ایف آئی ڈائریکٹر لاہور انتقامی سوچ کا آلہ کارنہ بنیں۔

ان کاکہنا تھا کہ احتساب کا یہ عالم ہے عدالتیں خالی پڑی ہیں ،3ماہ سے چیف جسٹس لاہور ہائیکورٹ نے بہترین ججز کے نام بھیجے تھے ۔لیگی رہنما نے کہا کہ پنجاب کا کلچر اور زبان محبت کی زبان ہے، پنجاب کی زبان نفرت کا درس نہیں دیتی، پنجاب کی زبان میٹھی زبان ہے، پنجابی زبان پیار کی زبان ہے۔

اس سے قبل لاہور کی انسدادِ منشیات کی عدالت نے مسلم لیگ نون کے رہنما رانا ثناء اللّٰہ کے خلاف منشیات اسمگلنگ کیس کی سماعت  31جون ملتوی کر دی۔انسدادِ منشیات کی عدالت کے جج کی عدم دستیابی کے باعث نون لیگی رہنما رانا ثناء اللّٰہ پر فردِ جرم عائد نہ ہو سکی۔