سعودی عرب، داخلی پروازوں کے بورڈنگ پاس ویکسین ریکارڈ سے مربوط کر دیے گئے

سرکاری خبررساں ایجنسی کے مطابق " آئندہ داخلی پروازوں سے وہی سعودی شہری اور غیر ملکی سفر کرسکیں گے جنہوں نےو یکسین لگوائی ہوگی اور جن کا ریکارڈ " توکلنا" ایپ میں موجود ہوگا۔

کورونا ویکسین کی دونوں خوراکیں یا ایک خوراک لینے والے ، یا کورونا وائرس  سے صحت یاب ہونے والے یا کورونا کا شکار نہ ہوئے ہوں ، اب یہ سب چیزیں  " توکلنا " ایپ میں دیکھ کر ہی بورڈنگ پاس جاری ہوگا۔

واضح رہے کہ سعودی شہری ہوا بازی نے اس سے قبل بین الااقوامی فضائی مسافروں کے لیے بورڈنگ پاس کو " توکلنا " سے مشروط کردیا تھا، کسی بھی فضائی کمپنی کے مسافرکے لیے اب لازمی ہے کہ وہ اس ایپ کا کرنٹ سٹیٹس دکھائے ۔