پی آئی اے سمیت نجی ائیر لائنز کا ایروناٹیکل چارچز میں مزید چھوٹ کا مطالبہ

تفصیلات کے مطابق  اندرون ملک جانے والی پروازوں پر ائیر نیوی گیشن اور ایروناٹیکل چارجزز کی وصولی کے معاملے پر پی آئی اے سمیت تما م نجی ائیر لائنز نے ایروناٹیکل چارجز مزید دوسال کی چھوٹ کا مطالبہ کر دیا۔ ذرائع کا کہنا ہے کہ کورونا کے باعث  پی آئی اے سمیت تمام  نجی ائیرلائنز   کا بھی فضائی آپریشن متاثر ہوا  ہے ، لہذا  سی اے اے کی جانب سے دوسال تک ملکی ائیر لائینز سے ایروناٹیکل سمیت دیگرچارجز وصول نہ کئے جائیں ۔

ذرائع کا کہنا ہے کہ کورونا کے باعث پی آئی اے سمیت تمام نجی ائیرلائنز کا بھی فضائی آپریشن متاثر ہوا ، کورونا کی ابتداء سے لیکر بڑے پیمانے پر فلائٹس آپریشن بھی معطل رہا ، جس کے باعث پی آئی اے سمیت تمام نجی ائیر لائینزز متاثر ہوئیں اور اربوں روپے نقصان سا منا رہا۔ اس دوران تما م ائیر لائینزز کو مجموعی طور پر پندرہ سے 26 ارب روپے سے زائد کا نقصان کا سامنا رہا جبکہ پرائس وار کی وجہ سے پی آئی اے سمیت نجی ائیر لاین کو یومیہ ایک کرورڑ روپے سے زائد کا نقصان ہورہا ہے۔

ذرائع کے مطابق ائیر لائینز یو میہ پچاس فیصد فیول کے اخراجات بھی پورے نہیں کر پارہی ہیں اور ایک اندازے کے مطابق ائیر بلیو کو ساڑھے سات ارب روپے سے زائد کا نقصان ہوا جبکہ سرین ائیر لائن کو چار ارب روپے سے زائد کا نقصان کا سامنا رہا۔سی اے اے نے یکم جون سے پروازوں پر لینڈنگ اور ٹیک آف سمیت ایئرپورٹس پر پارکنگ ، بورڈنگ چارجز،جہازوں کو پاور سپلائی اور ٹریمنل نیویگیشن چارجز  بھی وصول کرنا شروع کر دیئے ہیں  جبکہ اندرون ملک سفر کرنےوالے مسافروں سے امبارگیشن اور سیکیورٹی کی مد میں ٹیکس کی وصولی بھی شروع کردی ہے۔