ایل پی جی کی قیمت میں5 روپے اضافہ

جی این این کے مطابق ایل پی جی کی قیمت میں  5 روپے فی کلو اضافہ کیا گیا ہے ۔ جس کی وجہ سے غریب صارفین کے سلنڈر میں 5 روپے فی کلو، 60روپے گھریلو سلنڈر اور 240روپے کمرشل سلنڈرمیں اضافہ ہوگیا۔ آئندہ 48گھنٹوں میں مزید قیمت بڑھنے کا خدشہ ہے۔

اس حوالے سے  چیئرمین ایل پی جی ڈسٹری بیوٹرز عرفان کھوکھر کاکہنا ہے کہ جون 2021میں اوگرا نے ایل پی جی صارفین کیلئے 141روپے فی کلو، 1667روپے گھریلو سلنڈر، 6401روپے کمرشل سلنڈر کی قیمت مقرر کی تھی ۔ ان کاکہنا ہے کہ ایل پی جی پالیسی ایل پی جی کی قیمتوں میں اضافے کا باعث بن رہی ہے ، اگر ایل پی جی پالیسی واپس نہ لی گئی تو 30جون 2021کو ملک گیر ہڑتال کریں گے۔

خیال رہے کہ گزشتہ روز بھی ایل پی جی کی قیمت میں 5 روپے کلو اضافہ ہوا تھا۔