ایف پی سی سی آئی نے شرح سود میں 2 فیصد کمی کو مسترد کر دیا

اسلام آباد: ایف پی سی سی آئی نے شرح سود میں 2 فیصد کمی کو ناکافی قرار دے کر مسترد کردیا۔

ایف پی سی سی آئی کے صدر عاطف اکرام شیخ کا کہنا ہے کہ ایف پی سی سی آئی نے شرح سود میں 2 فیصد کمی کو ناکافی قرار دے کر مسترد کردیا ہے۔

صدر ایف پی سی سی آئی نے کہا کہ بنیادی افراط زر گورنمنٹ کے اپنے اعداد و شمار کے مطابق اگست 2024 میں 9.6 فیصد تک گرگیا ہے۔

یونائیٹڈ بزنس گروپ کے پیٹرن ان چیف ایس ایم تنویر کہتے ہیں کہ شرح سود 12 فیصد سے زائد نہیں ہونی چاہیے، تیل کی بین الاقوامی قیمتیں بھی 3 سال کی کم ترین سطح پر آگئی ہیں۔

دوسری جانب ایف پی سی سی آئی کے سینئر نائب صدر ثاقب فیاض مگوں نے کہا کہ انٹرسٹ ریٹ اور بجلی کے نرخ کم کیے بغیر ایکسپورٹس میں اضافہ ممکن نہیں۔