امریکہ افغان جنگ میں سب سے زیادہ نقصان پاکستان نے اٹھایا،عمران خان

تفصیلات کے امریکی ٹی وی چینل ایگزیاس ایچ بی او سے خصوصی انٹرویو کے دوران وزیراعظم عمران خان نے کہا کہ افغانستان میں کارروائی کرنے کیلئے سی آئی اے کو ہوائی اڈے نہیں دے گے۔ امریکہ کو افغانستان سے انخلا کرنے سے پہلے سیاسی سیٹلمنٹ ضرور کرنی چاہیے تھی۔

وزیراعظم عمران خان نےدوٹوک جواب دیا کہ افغانستان میں کارروائی کیلئے امریکا کو اڈے نہیں دینگے۔ یہ ممکن ہی نہیں امریکا کو افغانستان میں کارروائی کیلئے اڈے دیں۔ امریکا کو افغانستان سے  انخلا سے پہلے تصفیہ کرنا ہوگا۔ سرحد پارانسداددہشتگردی مشن کیلئےپاکستان سی آئی اے کو اپنے اڈے نہیں دےگا۔

انہوں نے مزید کہا کہ پاکستان کی سرزمین استعمال کرنے کی  اجازت نہیں دینگے ۔ امریکا افغان جنگ میں سب سے زیادہ نقصان پاکستان نے اٹھایا۔ نائن الیون کےبعد یورپ میں مسلمانوں کیخلاف نفرت میں اضافہ ہوا۔ وزیراعظم عمران خان نے جوہری ہتھیاروں کے حوالے سے کہا کہ "جوہری ہتھیاروں کیخلاف ہوں، ہمارے جوہری ہتھیار صرف دفاع کیلئے ہیں "۔اور پاکستان کا جوہری پروگرام صرف ملکی دفاع کیلئے بنایا گیا تھا۔

چین کے بارے میں انہوں نے بات کرتے ہوئے کہا کہ چین نے ہرمشکل وقت میں پاکستان کا ساتھ دیا۔ چین نے پاکستان کو معاشی لحاظ سے مستحکم کرنے کیلئے مدد فراہم کی ہے ۔ چین نے ہمیں معاشی طور پر مستحکم ہونے  کیلئے بھی ریسکیو کیا۔

وزیراعظم نے کہا کہ کشمیریوں پرظلم ہورہاہے،دنیااس کی بات کیوں نہیں کرتی؟ پاکستان میں اس وقت30لاکھ افغان پناہ گزین ہیں۔ اب کسی بھی قسم کی محاذآرائی کاحصہ نہیں بنناچاہتے ہیں ۔ ہم امن چاہتےہیں،محاذآرائی نہیں چاہتے۔ پاکستان نےدیگرممالک کی نسبت سب سےزیادہ قربانیاں دی ہیں ۔

انہوں نے مزید کہا کہ امریکاافغان جنگ میں70ہزارسےزائدپاکستانی شہیدہوئے ہیں ۔ مقبوضہ کشمیرمیں بھارتی فوج کےہاتھوں لاکھوں کشمیری شہیدہوچکے ہیں ۔ مغربی دنیامیں کشمیریوں کوکیوں نظراندازکیاجارہاہے۔ آٹھ لاکھ بھارتی فوجیوں نےکشمیرکوکھلی جیل بنایاہواہے، مغرب میں مسئلہ کشمیرکیوں نہیں اٹھایاجاتا،میرےخیال سےیہ منافقت ہے۔