ہم نے عوام تک شہید بی بی کا پیغام پہنچانا ہے،بلاول بھٹو

تفصیلات کے مطابق پیپلز پارٹی کے چیئرمین بلاول بھٹوزرداری کچھ دیر پہلے سندھ اسمبلی آڈیٹوریم پہنچے ، جہاں وزیر اعلیٰ سندھ سید مراد علی شاہ ، سابق وزیر اعلیٰ قائم علی شاہ اسپیکر اورآغا سراج درانی بھی تقریب میں شریک تھے ۔

تقریب سے خطاب میں پیپلزپارٹی چئیرمین بلاول بھٹو زرداری نے کہا کہ " بینظیر بھٹو کی شہادت کے بعد ان کے کارکنوں نے پارٹی کا پرچم تھام کر ان کی نظریےکو زندہ رکھا ہے ۔ سندھ میں آپ سب کم وسائل کے باوجودشہید بینظیرکےمنشور کو آگے لیکرچل رہے ہیں۔ ہم نے عوام تک شہید بی بی کا پیغام پہنچانا ہے"۔

چیئرمین پیپلزپارٹی بلاول بھٹوکا مزید کہناتھاکہ بینظیربھٹو کیخلاف جو ساری غیر جمہوری قوتیں تھیں وہ آج بھی پارٹی کیخلاف سازشیں کررہی ہیں۔ بے نظیر ہمارے دلوں اور یادوں میں آج بھی زندہ ہے۔ بے نظیر بھٹو کے منشور پر عمل کرنے کی کوشش کر رہے ہیں۔

چیئرمین پیپلزپارٹی بلاول بھٹو  نے مزید کہا کہ جو نیا پاکستان بن رہا ہے اس میں عوام سے توڑی ، کپڑا ، مکان چھینا جا رہا ہے۔ بے نظیر بھٹو کے مشن کو آگے لے کر چل رہے ہیں۔ ہمیں جمہوری پاکستان میں محنت کرنے والےکو پھل دینا ہے۔