ماڈل و اداکارہ انوشے اشرف کو مداح نے شادی کی پیش کش کردی

تفصیلات کے مطابق سماجی مسائل پر اپنی آواز بلند کرنے والی انوشے نے حال ہی میں انسٹاگرام پر سوال و جواب کا ایک سیشن رکھا ۔ اداکارہ سے صارفین نے کچھ اہم سوالات پوچھے جب کہ کچھ مداحوں نے ان سے ذاتی نوعیت کی سوال بھی کی ، ان ہی میں سے ایک مداح نے اداکارہ کو شادی کی پیشکش کردی ۔

انوشے نے جواب دیتے ہوئے مسز خان ( رشتہ کرانے والی معروف خاتون ) کو مخاطب کیا اور خواہش ظاہر کی کہ انہیں یہ مسیج پڑھنا چاہیے ۔ اداکارہ نے جواب میں لکھا کہ مسز خان سمجھتی تھیں کہ میں کیرئیر کے معاملے میں حساس اور زندگی میں خود مختار ہوں ، اس وجہ سے میرے لیے لڑکا ڈھونڈنا مشکل ہے ۔

انوشے نے رشتہ کلچر سے متعلق اپنے نظریات پیش کرتے ہوئے کہا کہ یہ 2021 ہے مجھے کوئی مسلہ نہیں ہوگا اگر میں کام پر جائوں اور میرا شوہر گھر پر بیٹھ کر کتاب لکھنا چاہے یہ اس کی جاب نہیں کہ ہمیشہ وہ ہی مجھے چیزیں فراہم کرے ۔ اداکارہ نے آخرمیں قہقہہ لگا کر مداح سے سوال کیا کہ کیا آپ اب بھی مجھ سے شادی کے خواہشمند ہیں ۔