فیڈرل بورڈ آف ریونیو (ایف بی آر) کے چیئرمین راشد لنگڑیال کا کہنا ہے کہ 15 اکتوبر سے پاکستان میں نان فائلرز کی کیٹیگری ختم ہوجائے گی۔

میڈیا ذرائع  کے مطابق چیئرمین ایف بی آر ارشد لنگڑیال کا کہنا ہے کہ انکم ٹیکس انڈر فائل کرنا ایک اہم مسئلہ ہے، ہمارے ہمسایہ ملک میں نان فائلرز پر کئی پابندیاں ہیں پاکستان میں بھی نان فائلرز کے لیے آگے جاکر بیرون ملک سفر پر بھی پابندی ہوگی۔

انہوں نے کہا کہ نان فائلر بڑا مسئلہ ہے لیکن انڈر فائلر اس سے زیادہ سنگین مسئلہ ہے، انکم ٹیکس گوشوارے جمع کروانے کی آخری تاریخ 14 اکتوبر ہے اور 15 اکتوبر سے پاکستان میں نان فائلرز کی کیٹیگری ختم ہوجائے گی۔

واضح رہے کہ ایف بی آر کا کہنا ہے کہ ٹیکس ٹرانسفارمیشن چند ماہ کا کام نہیں ہے۔

ایک سوال کے جواب میں انہوں نے کہا کہ ایف بی آر میں رجسٹرڈ کمپنیاں بھی ٹیکس چوری میں ملوث ہیں، 20، 20 سال سے ایف بی آر افسران کو فیلڈ ورک کے قابل ہی نہیں بنایا گیا۔

شنگھائی تعاون تنظیم کے سربراہان حکومت کا 23 واں اجلاس 15 اور 16 اکتوبر کو اسلام آباد میں ہوگا۔

ذرائع کے مطابق ایس سی او اجلاس کے لئے آج فل ڈریس ریہرسل کی جا رہی ہے، اسلام آباد کے جناح کنونشن سینٹر میں سربراہان حکومت کی بیٹھک ہو گی۔

ذرائع نے بتایا کہ ایس سی او سمٹ کے لئے سربراہان حکومت 15 اکتوبر کو اسلام آباد پہنچیں گے، 15 اکتوبر کی شام میزبان وزیراعظم شہباز شریف کی جانب سے مہمانوں کے اعزاز میں عشائیہ دیا جائے گا۔

ذرائع کا کہنا ہے کہ اجلاس میں تنظیم کے 10 رکن ممالک شریک ہوں گے، منگولیا بطور مبصر اور ترکمنستان کے مندوبین بطور خصوصی مہمان اجلاس میں شریک ہوں گے۔

ذرائع کے مطابق 16 اکتوبر کی صبح ایس سی او کانفرنس کا باقاعدہ اغاز ہوگا، وزیراعظم شہباز شریف ایس سی او سمٹ کی صدارت کریں گے، ایس سی او اجلاس سے وزیراعظم شہباز شریف دیگر سربراہان اور نمائندے خطاب کریں گے۔

اجلاس میں چین کے وزیراعظم لی چیانگ ، روس کے وزیراعظم میخائل میشوسٹن اور ایران کے اول نائب صدر محمد رضا عارف شریک ہوں گے۔

واضح رہے کہ بھارتی وزیرخارجہ جے شنکر کانفرنس میں اپنے ملک بھارت کی نمائندگی کریں گے۔

اجلاس کے بعد ایس سی او ممالک کی جانب سے مفاہمتی یاداشتوں پر دستخط کئے جائیں گے۔

ایس سی او اجلاس میں معیشت، تجارت اور باہمہ روابط کے فروغ پر توجہ مرکوز کی جائے گی، پاکستان کے بعد روس ایس سی او کی صدارت سنبھالے گا۔

سربراہ اجلاس سے قبل نیشنل کوآرڈینیٹرز کے اجلاس میں کانفرنس کے تمام پہلوؤں کو حتمی شکل دی جائے گی۔

داسو پاور پراجیکٹ حملے کے ماسٹر مائنڈ 2 دہشتگرد فرارہونے کی کوشش میں مارے گئے۔

میڈیا ذرائع کے مطابق سی ٹی ڈی حکام نے بتایا کہ دہشتگردوں کو تھریٹ الرٹ کی بنیاد پرساہیوال جیل سے منتقل کیا جارہا تھا، حملے کے ماسٹر مائینڈ سمیت 5 دہشتگردوں کی منتقلی کے دوران حملہ ہوا۔سی ٹی ڈی حکام نے مزید بتایا کہ دہشتگردوں نے داسو حملے میں ملوث ساتھیوں کو چھڑانے کی کوشش کی، دہشتگرد محمد حسین اور ایاز فائرنگ کے تبادلے میں موقع پر مارے گئے۔

واضح رہے کہ ترجمان سی ٹی ڈی کے مطابق فائرنگ کا واقعہ ساہیوال سمندری روڈ کے قریب پیش آیا۔

ہلاک دہشتگردوں کے تین ساتھی الگ وین میں ہونے کی وجہ سے محفوظ رہے۔سی ٹی ڈی حکام کے مطابق داسو حملے میں 9 چائینز سمیت 13 افراد ہلاک اور 20 سے زائد زخمی بھی ہوئے تھے، داسو حملے میں ملوث دہشتگردوں کو عدالت سزائے موت سنا چکی ہے۔