ایک ہفتے میں آٹے کے تھیلے کی قیمت میں 27 روپے کا اضافہ

تفصیلات کے مطابق کراچی اور حیدرآباد میں 20 کلو آٹے کا تھیلا 1300 روپے ، اسلام آباد میں 1170 ، راولپنڈی میں 1240 روپے ، سیالکوٹ میں گیارہ سو روپے ، اور فیصل آباد میں گیارہ سو بیس روپے تک فروخت ہوا ۔

ادارہ شماریا ت کے مطابق گزشتہ ہفتے فیصل آباد میں آٹے کا تھیلا 1093 روپے میں فروخت ہورہا تھا۔ سرگودھا میں آٹے کا تھیلا بیس روپے مہنگا ہوا جس کے بعد اس علاقے میں اس کی قیمت 1020 روپے تک پہنچ گئی ہے ۔ بہاولپور میں ایک ہفتے کے دوران آٹے کے تھیلے کی قیمت میں 14روپے اضافہ دیکھا گیا ۔ دکاندار قیمت گیارہ سو چھ روپے سے بڑھا کر گیارہ سو بیس روپے تک بیچتے رہے ۔

سکھر میں آٹے کا تھیلا گیارہ سو بیس ، لاڑکانہ گیارہ سو اسی میں فروخت ہوا ۔ لاڑکانہ میں آٹے کا تھیلا 20 روپے مہنگا ہے ۔ پشاور میں آٹا گیارہ سو روپے ، بنوں میں گیارہ سو بیس روپے ، کوئٹہ میں 1250 روپے اور خضدار میں 1200 تک فروخت ہورہا ہے ۔