پاکستان سٹاک مارکیٹ میں تیزی، 81 ہزار پوائنٹس کی حد عبور

کراچی : پاکستان سٹاک ایکسچینج میں سرمایہ کاروں کا اعتماد بحال ہونے سے مارکیٹ میں زبردست تیزی دیکھنے میں آئی ہے۔ سٹاک ایکسچینج میں 1258 پوائنٹس کا اضافہ ہوا جس کے ساتھ پاکستان سٹاک مارکیٹ میں ہنڈرڈ انڈیکس 81 ہزار 719 پوائنٹس کی بلند ترین سطح پر پہنچ گیا ہے۔

گزشتہ روز بھی سٹاک مارکیٹ میں مثبت رجحان دیکھا گیا تھا اور 100 انڈیکس 970 پوائنٹس اضافے کے ساتھ 80 ہزار 461 پوائنٹس کی سطح پر بند ہوا تھا۔ ماہرین کا کہنا ہے کہ سرمایہ کاروں کا اعتماد بحال ہونے اور ملک میں اقتصادی صورتحال میں بہتری آنے کے امیدوار ہونے کی وجہ سے سٹاک مارکیٹ میں یہ تیزی دیکھی جا رہی ہے۔

دوسری جانب انٹربینک میں ڈالرکی قدر میں مسلسل ساتویں روز کمی ریکارڈ کی جارہی ہے، آج انٹربینک میں امریکی ڈالر کی قدر میں 24 پیسے کی کمی کے بعد ڈالر 277 روپے 80 پیسے پر آگیا۔