پشتونخواہ ملی عوامی پارٹی کے سینیئر رہنما عثمان کاکٹر انتقال کرگئے

تفصیلات کے مطابق پشتونخواہ ملی عوامی پارٹی کے سابق سینئررہنما عثمان کاکڑ گزشتہ دو روز سے کراچی کے نجی ہسپتال میں  زیرعلاج تھے ۔  

سیکرٹری اطلاعات رضا محمد رضا نے عثما ن کاکڑ کے انتقال کی تصدیق کرتے ہوئے کہا کہ عثمان کاکڑ کراچی کے نجی ہسپتال میں زیر علاج تھے ۔جن کا انتقال ہوگیا ہے ۔

پاکستان پیپلز پارٹی کے رہنما سینیٹر سلیم مانڈی والا کا کہناہےکہ عثمان  خان کاکڑ کے انتقال کی اطلاع سینیٹ کی کمیٹی برائے خزانے کے اجلاس میں ملی ، عثمان کاکڑ کے انتقال پر سینیٹ کمیٹی برائے خزانہ کے اجلاس میں فاتحہ خوانی بھی کی گئی ۔

واضح رہے کہ چند روز قبل عثمان کاکڑ کوئٹہ میں اپنے گھر میں گر کر شدید زخمی ہوگئے تھے ، عثمان کاکڑ کو فوری طور پر ہسپتال منتقل کیاگیا ،پچھلے دو روز سے وہ آئی سی یو میں تھے