پانی کتنا خرچ کیا ، بل کتنا ، نیشنل واٹر کمپنی کی موبائل ایپ جاری

نیشنل واٹر کمپنی نے بیان میں کہا ہے کہ اپنی خدمات تک رسائی کو آسان بنانے کے لیے سپیشل ایپ تیار کی ہے۔ اس کی بدولت صارفین گھر بیٹھے واٹر ٹینکر طلب کرسکتے ہیں جبکہ ایپ کے ذریعے میٹر بند بھی کیا جاسکتا ہے ۔ اور کھولا بھی جاسکتا ہے ۔

نیشنل واٹر کمپنی کی اس ایپ سے بل کی ادائیگی میں بھی سہولت ہوگی ۔ اس حوالے  سے صارفین اس کی مدد سے دریافت کرسکیں گے کہ انہوں نے کتنا پانی خرچ کرلیا اور ان کے ذمے کتنا بل ہے ۔

بل میں ممکنہ غلطی پر شکایت بھی درج کراسکیں گے ۔ اگر ان کے ریکارڈ پر کوئی خلاف ورزی آرہی ہوگی اور انہیں وہ غلط لگ رہی ہوگی تو وہ اپنا اعتراض ریکارڈ کروا سکیں گے جبکہ واٹر نیٹ ورک سے رساؤ یا پانی سے منقطع ہونے وغیرہ کی رپورٹیں بھی کرسکیں گے ۔

ایپ میں یہ بھی فیچر شامل کیا گیا ہے کہ صارفین کے لیے یہ سہولت بھی ہوگی کہ آئندہ انہیں کتنا پانی چاہیے ۔ زیادہ پانی کے استعمال پر صارف کو پیغام بھی آئیگاتاکہ وہ پانی کی جتنی ہوسکے بچت کرسکے ۔

اس کے علاوہ اس ایپ میں کئی طرح کی سہولیات اور فیچرز شامل کیے گئے ہیں ۔