ملک کے بیشتر حصوں میں موسم گرم اور خشک رہے گا

محکمہ موسمیات کے مطابق جنوبی پنجاب ، بلائی خیبر پختونخواہ ،گلگت ، کشمیر اور اس کے ملحقہ پہاڑی علاقوں میں کہیں کہیں ہوائیں چلنے اور گرج چمک کے ساتھ بارش کا امکان ہے۔

آج صبح ریکارڈ کیے گئے درجہ حرارت کے مطابق اسلام آباد، مظفر آباد میں 21 سینٹی گریڈ ، لاہور 25 کراچی 23 اور کوئٹہ 24 رہا ہے ۔ گلگت 17 ، مری 16 سینٹی گریڈ رہا ۔

محکمہ موسمیات کے مطابق بھارت کے غیر قانونی زیر قبضہ جموں و کشمیر میں سرینگر، جموں ، پلوامہ ، اننت ناگ ، شوپیاں اور بارہ مولہ میں مطلع جزوی طور پر ابر آلود رہنے اور گرج چمک کےسا تھ بارش کا امکان ہے ،

ریکارڈ کیے گئے درجہ حرارت کے مطابق سری نگر ، پلوامہ اور بارہ مولہ میں 17 سینٹی گریڈ جموں میں 26 ، اننت ناگ اور شوپیاں میں 16 ڈگری سینٹی گریڈ رہا ۔