پنجاب : ہائر ایجوکیشن کمیشن کا نجی کالجز کے حوالے سے بڑا فیصلہ

ذرائع  کے مطابق محکمہ ہائر ایجوکیشن کمیشن نے نجی کالجز کو پرائیویٹ یونیورسٹیز کے ساتھ الحاق کی اجازت دےدی۔ اب پنجاب کی تمام نجی یونیورسٹیاں اپنے ساتھ پرائیویٹ کالجز کا الحاق کرسکیں گی لیکن اب نجی یونیورسٹیوں کو باقی شہروں میں کیمپس کھولنے کی اجازت نہیں ہوگی۔

مزید یہ کہ لاہور کے 6 کالجز میں بی ایس آنرزکی دس ڈگریاں بھی شروع کی جائیں گی اس ضمن میں کام مکمل کرلیا گیا ہے جن کالجز میں یہ ڈگریاں شروع کی جائیں گی ان  میں اسلامیہ کالج ،سول لائنز،ایم اے او کالج،گورنمنٹ کالج آف سائنس ،اسلامیہ کالج کوپر روڈ،فاطمہ جناح کالج چونا منڈی ،کوئین میری کالج،وومن کالج وحدت کالونی شامل ہیں ۔

لاہور کے ان کالجز میں میڈیکل لیب،ڈی فارمیسی،فوڈسائنسز،بائیو ٹیکنالوجی،ٹورازم،نیوٹریشن،سافٹ وئیر انجینرنگ ، ٹیکسٹائل اینڈ فیشن ڈیزائن میں ڈگریاں شروع ہوں گی۔

رواں سال ہی ان ڈگریوں میں داخلے کیے جائیں گے درج ذیل  کالجز کے  پرنسپلز کو داخلے کے حوالے سے احکامات جاری کردئیےگئے.