سونم وانگچک اور دیگر کی گرفتاری کے خلاف لداخ  میں احتجاج شروع

سونم وانگچک اور دیگر کی گرفتاری کے خلاف لداخ  میں احتجاج شروع ہوگیا ہے، ہڑتال کی وجہ سے پورے علاقے میں روزمرہ کی زندگی اور نقل و حرکت شدید متاثر ہوئی ہے۔

کارگل ڈیموکریٹک الائنس (کے ڈی اے) اور لیہہ اپیکس باڈی (ایل اے بی) نے کرگل اور لیہہ دونوں اضلاع کو بند کرنے کا کہا ہے، ہڑتال کی وجہ سے پورے علاقے میں روزمرہ کی زندگی اور نقل و حرکت شدید متاثر ہوئی، ممتاز ماحولیاتی کارکن سونم وانگچوک نے لداخ کے لیے چھٹے شیڈول کی حیثیت کی وکالت کرنے کے لیے ایک ماہ قبل لیہہ سے 'دہلی چلو پدیاترا' کا آغاز کیا تھا۔

حراست میں لیا گیا گروپ میں سرکردہ لداخی رہنما شامل تھے، دہلی چلو پدیاترا کے  طور پر دہلی کی طرف مارچ کر رہے تھےشریک چیئرمین اصغر علی کربلائی  کے ڈی اے  اور ایل اے ایچ ڈی سی کے چیف ایگزیکٹو کونسلر محمد جعفر اخون جیسے قابل ذکر رہنما بھی زیر حراست افراد میں شامل تھے۔

کے ڈی اے  اور ایل اے بی  نے ہڑتال کی کال دی تھی جو  لداخ کے حقوق، بشمول ریاستی حیثیت اور آئینی تحفظات کے مطالبات کے لیے تھا، مظاہرین لداخ کو ریاست کا درجہ دینے، چھٹے شیڈول کے تحت شامل کرنے، پبلک سروس کمیشن کے ساتھ بھرتی کے عمل کو تیز کرنے، اور لیہہ اور کارگل کے لیے الگ لوک سبھا سیٹوں کا مطالبہ کر رہے تھے ۔

کے ڈی اے نے حراستوں کو بنیادی حقوق کی خلاف ورزی قرار دیتے ہوئے کہا کہ حکومت اور پولیس کے اقدامات نے لداخیوں کے جمہوری حقوق کی توہین کی ہے۔

آل کارگل اسٹوڈنٹس ایسوسی ایشن دہلی (اے کے ایس اے ڈی) نے بھی گرفتاریوں کی مذمت کرتے ہوئے حکومت کی جانب سے پرامن مارچ کرنے والوں کو دہلی میں جانے کی اجازت دینے سے انکار پر مایوسی  کا اظہار کیا ہے۔ کے ڈی اے اور اے کے ایس اے ڈی نے ہندوستانی حکومت پر زور دیا کہ وہ لداخ کے خدشات کو دور کرے اور خطے کے ساتھ وعدوں کو پورا کرے۔

کشمیری رہنما عمر عبداللہ، محبوبہ مفتی، اور ایم وائی تاریگامی نے بھارتی حکومت کی جانب سے ماحولیاتی کارکن سونم وانگچوک اور ان کے ساتھیوں کی حراست کی مذمت کی۔

عمرعبداللہ نے لداخ کے لوگوں سے کیے گئے وعدوں کی خلاف ورزی پرامن شہریوں کو حراست میں لینے پر حکومت پر تنقید کرتے ہوئے کہا کہ لداخ کے پورے خطے میں موجودہ ایجی ٹیشن احتجاج سے یہ ظاہر ہوتا ہے کہ آرٹیکل 370 اور 35A کو منسوخ کرنے کے بھارتی غیر قانونی اقدام  کیا ہے۔

انہوں نے کہا کہ کشمیر کے لوگوں نے اگست 2019 سے گوڈی میڈیا کی طرف سے پروپیگنڈہ ، خوشحالی، اور بہتر امن و امان کے ہندوستان کے بیانیے کو مسترد کر دیا ہے۔