بہاولنگر : گھریلو جھگڑے پر شوہر نے بیوی پر تیزاب پھینک دیا

تفصیلات کے مطابق ٹوبہ قلندر شاہ میں مظہر نامی شخص نے گھریلو جھگڑے پر بیوی پر تیزاب پھینکا، جس سے خاتون کا 70 فیصد جسم جھلس گیا ہے، متاثرہ خاتون کا نام یاسمین  ہے اوروہ  5 بچوں کی ماں  ہیں ، ملزم مظہر لاہور میں کام کاج کرتا ہے اور آج ہی واپس آیا تھا ، تیزاب گردی کے دوران بچے ماں کو بچانے آئے تو شوہرنے انہیں کمرے میں بندکردیا ۔ واقعے کی اطلاع ملتے ہی پولیس جائے وقوعہ پر پہنچ گئی ، پولیس کے مطابق  متاثرہ خاتون کواسپتال منتقل کر دیا گیا ہے جبکہ  واقعہ کا مقدمہ درج کرلیا گیا ہے اور ملزم کی تلاش جاری ہے۔

متاثرہ خاتون کی والدہ کادعویٰ ہے کہ مظہر نے 3 شادیاں کررکھی ہیں ، مظہر جب بھی آتا اپنی بیوی سے لڑائی جھگڑا کرتا تھا۔  تیزاب پھینکنے سے پہلے مظہر نے میری بیٹی کو تشدد کا بھی نشانہ بنایا تھا۔متاثرہ خاتون کی والدہ کاکہنا تھا کہ  میری بیٹی کے پورے جسم پر تیزاب ڈالا گیا ہے۔