نئے بجٹ میں کسی ٹیکس چور کو نہیں چھوڑوں گا، شوکت ترین

پارلیمنٹ میں غیر رسمی گفتگو کرتے ہوئے شوکت ترین نے کہا کہ بجٹ میں 383 ارب کے بجائے 264 ارب کے اقدامات ہوسکتے ہیں۔

شوکت ترین نے کہا کہ سینیٹ کی خزانہ کمیٹی کے ذریعے مختلف شعبوں کو ریلیف دیا گیا، بجٹ کی مشاورت میں سینیٹ کی تجاویز شامل کی گئی ہیں، یکم جولائی سے ٹیکس اقدامات پر عملدرآمد شروع ہو جائے گا۔

وزیر خزانہ نے کہا کہ ماضی میں ٹیکس چور ٹیکس نوٹس نظرانداز کرلیتے تھے، اب ایف بی آر کے نوٹسز نظرانداز کرنے والوں کو نقصان ہوگا، ٹیکس افسر کسی ٹیکس گزار کو ہراساں نہیں کرسکے گا، جبکہ نئے بجٹ میں ٹیکس چور کے لیے کوئی رعایت نہیں ہے۔