تیسرے ٹیسٹ کے لیے انگلینڈ نے اسکواڈ کا علان کر دیا

راولپنڈی میں کھیلے جانے والے تیسرے اورآخری ٹیسٹ میچ کے انگلش ٹیم نے اعلان کر دیا۔

انگلینڈ نے دوسرے ٹیسٹ میچ میں شکست کے بعد ٹیم میں دو تبدیلیاں کی ہیں جہاں فاسٹ باؤلر بریڈن کارس اور میتھیو پوٹس کی جگہ گس ایٹکنسن اور اسپنر ریحان احمد کو ٹیم کا حصہ بنایا ہے۔

جبکہ باقی کھلاڑیوں میں بین  اسٹوکس(کپتان)، زیک کرالی، بین ڈکٹ، اولی پوپ، جو روٹ، ہیری بروک، کیمی اسمتھ، جیک لیچ اور شعیب بشیر شامل ہیں ۔

انگلش ٹیم ٹیسٹ سیریز جیتنے کے لیے  تین اسپنرز کے ساتھ میدان میں اترے گی،تیسرا ور فیصلہ کن ٹیسٹ میچ راولپنڈی میں 24 اکتوبر سے کھیلا جا ئے گا۔

واضح رہے کہ پاکستان اورانگلینڈ کے درمیان جاری تین ٹیسٹ میچوں کی سیریز 1-1 سے برابر ہے ۔