حزب اللہ نے ہاشم صفی الدین کی شہادت کی تصدیق کر دی

غیر ملکی خبر ایجنسی کے مطابق حزب اللہ نے ہاشم صفی الدین کی شہادت کی تصدیق کر دی ہے، اس سے قبل اسرائیلی فوج نے حزب اللہ کے قائم مقام سربراہ ہاشم صفی الدین کو شہید کرنے کا دعویٰ کیا تھا۔

اسرائیلی فوج نے دعوی کیا تھا کہ کہ ہاشم صفی الدین کو 3 ہفتے قبل بیروت پر حملے میں نشانہ بنایا گیا تھا۔

خیال رہے کہ ہاشم صفی الدین حزب اللہ کے اہم کمانڈر اور رہنما تھے، ان کو حسن نصر اللہ کا  ممکنہ جانشین بھی خیال کیا جا رہا تھا۔

ہاشم صفی الدین حزب اللہ کے سابق سربراہ حسن نصراللہ کے کزن تھے۔ جن کو اسرائیل نے  بیروت  میں کیے گئے ایک حملے کے دوران شہید کر دیا تھا۔  

واضح رہے کہ پچھلے چند ہفتوں کے دوران اسرائیلی  حملوں میں حزب اللہ کے کئی اہم رہنما شہید ہوچکے ہیں۔