پنڈی ٹیسٹ:انگلش ٹیم پاکستانی اسپنرز کے سامنے ڈھیر

راولپنڈی میں کھیلے جا رہے پاکستان اور انگلینڈ کے درمیان فیصلہ کن ٹیسٹ میچ میں انگلینڈ نے ٹٓاس جیت کر پہلے بیٹنگ کرنے کا فیصلہ کیا جوکہ بہتر ثابت نہ ہوا اور انگلینڈ کی پوری ٹیم 267 رنز بنا کر پویلین لوٹ گئی۔

انگلش ٹیم پاکستانی اسپنرز کے سامنے ریت کی دیوار ثابت ہوئی، پاکستان کی طرف سے ساجد خان اور نعمان علی نے شاندار باولنگ کا مظاہرہ کرتے ہوئے بالترتیب 6 اور 3 تین وکٹیں حاصل کیں،جبکہ زاہد محمود نے ایک کھلاڑٰی کو پویلین کی راہ دکھائی۔

انگلینڈ کی ٹیم میچ کے شروع میں بے بس نظر آنے لگی اور وقفے وقفے سے پاکستانی اسپنرز ان کی وکٹیں گراتے رہے۔انگلینڈ کی طرف سے بین ڈکٹ نے 52،وکٹ کیپر بلے باز جمی سمتھ نے 89 رنز بنائے، جبکہ کپتان بین اسٹوکس صرف بارہ رنز تک ہی محدود رہے۔

خیال رہے کہ  پاکستان اور انگلینڈ کے درمیان 3 ٹیسٹ میچز کی سیریز کے پہلے ٹیسٹ میں انگلینڈ نے پاکستان کو ایک اننگز اور 47 رنز سے شکست دی تھی جبکہ دوسرے میچ میں پاکستان نے انگلینڈ کو 152 رنز سے ہرا کر سریز ایک 1-1 سے برابر کر دی تھی۔