حکومتی اتحاد اور اپوزیشن نے جوڈیشل کمیشن کے لیے نام فائنل کر لیے

حکمران اتحاد نے قومی اسمبلی سے چیئرمین پی پی پی بلاول بھٹو اور سینیٹ سے مسلم لیگ ن کے پارلیمانی لیڈر عرفان صدیقی کا نام فائنل کیا ہے۔

دوسری جانب اپوزیشن نے قومی اسمبلی سے اپوزیشن لیڈر عمر ایوب اور سینیٹ سے شبلی فراز کو نامزد کیا ہے۔

ذرائع کے مطابق پی ٹی آئی اور حکمران اتحاد کل دونوں نام اسپیکر قومی اسمبلی اور چیئرمین سینیٹ کو ارسال کرے گی۔

ابتدائی فہرست میں پاکستان تحریک انصاف کی جانب سے بیرسٹر گوہر، بیرسٹرعلی ظفر، بیرسٹر عمیر نیازی، عمر ایوب، اسد قیصر، لطیف کھوسہ اور علی محمد خان کا نام شامل تھا،تاہم بانی پی ٹی آئی عمران خان کی منظوری کے بعد عمر ایوب اور شبلی فراز کے ناموں کو فائنل کیا گیا۔

واضح  رہے کہ تیرہ رکنی جوڈیشل کمیشن میں دو حکومتی اور دو اپوزیشن اراکین شامل ہوں گے، وزیراعظم نے 26ویں ترمیم کے تحت جوڈیشل کمیشن کی تشکیل نو کیلئے نام مانگے ہیں۔