عمران خان کی اہلیہ بشریٰ بی بی پشاور سے لاہور پہنچ گئیں

ذرائع کا کہنا ہے کہ بشریٰ بی بی  بانی پی ٹی آئی کی ہدایت پر زمان پارک پہنچی ہیں اور وہ اب زمان پارک میں قیام کریں گی۔

گزشتہ روز سابق خاتون بشریٰ بی بی  190 ملین پاؤنڈ ریفرنس کی سماعت کے لئے پشاور سے اڈیالہ جیل پہنچی تھیں جس کے بعد وہ راولپنڈی سے لاہور زمان پارک  پہنچ گئی ہیں۔ بشریٰ بی بی کی آمد کے پیش نظر لاہور پولیس  نے سیکیورٹی کے سخت انتظامات کر رکھے تھے،پولیس حکام نے زمان پارک کے اطراف رکاوٹیں کھڑی کر کے پولیس کی بھاری نفری تعینات کر  دی ہے۔

واضح رہے کہ بشریٰ بی بی 24 اکتوبر کو  اڈیالہ جیل سے رہا ہونے کے بعد پشاور چلی گئی تھیں۔ 

اس سے قبل سابق خاتون اول بشریٰ بی بی نے 29اکتوبر کو پشاور ہائی کورٹ سے راہداری ضمانت کیلئے رجوع کیا تھا جس پر عدالت نے انہیں 18نومبر تک راہداری ضمانت دے دی، جس کے بعد گزشتہ روز انہوں نے پشاور سے اڈیالہ کا رخ کیا۔ اور اب پشاور میں 6روز قیام کے بعد سابق خاتون اول اور عمران خان کی اہلیہ بشریٰ بی بی زمان پارک لاہور پہنچ گئیں۔