پنجاب کی عوام کو سموگ کے رحم و کرم پر چھوڑ کر باپ بیٹی یورپ کی سیر پر نکلے ہیں، بیرسٹر سیف

پی ٹی آئی رہنما و مشیر اطلاعات خیبر پختونخوا بیرسٹر سیف نے کہا ہے کہ پنجاب کے عوام کو سموگ کے رحم و کرم پر چھوڑ کر باپ بیٹی دونوں یورپ کی سیر پر نکلے ہیں،عوام سموگ کیوجہ سے سانس نہیں لے سکتے جبکہ باپ بیٹی جنیوا کے تازہ ہواؤں میں جھوم رہے ہیں۔

سوشل میڈیا پلیٹ فارم ایکس پر اپنے ٹویٹ میں بیرسٹر سیف نے کہا کہ اطلاعات ہیں کہ راجکماری مریم نواز نے پرائیوٹ جیٹ ہائیر کیا ہوا ہے، جہاز کو صندوقوں اور سوٹ کیسز سے بھر کر اڑان بھری ہے، ملک کی حالت قابل رحم ہے اور انکے شاہی خرچے ختم ہونے کا نام نہیں لے رہے۔

پنجاب کے عوام کو سموگ کے رحم و کرم پر چھوڑ کر باپ بیٹی دونوں یورپ کی سیر پر نکلے ہیں،عوام سموگ کیوجہ سے سانس نہیں لے سکتے جبکہ باپ بیٹی جنیوا کے تازہ ہواؤں میں جھوم رہے ہیں،اطلاعات ہیں کہ راجکماری مریم نواز نے پرائیوٹ جیٹ ہائیر کیا ہوا ہے، جہاز صندوقوں اور سوٹ کیسز سے بھر کر اڑان…

— Barrister Dr Muhammad Ali Saif (@BaristerDrSaif) November 10, 2024

انہوں نے کہا کہ پنجاب میں بدترین سموگ کیوجہ سے زندگی کے معمولات معطل ہیں، باپ بیٹی کا جنیوا میں گھومنا پنجاب کی عوام کے ساتھ مذاق ہے، فارم 47 کے لیڈروں سے یہی توقع کی جاسکتی ہے، فارم 45 لیڈرز عوام کے غم خوار ہیں جبکہ فارم 47 والے عوام کا مذاق اڑاتے ہیں، یورپ میں سرجری اور علاج کرانا پنجاب کے ہسپتالوں کی کارکردگی پر سوالیہ نشان ہے۔

مشیر اطلاعات کا کہنا تھا کہ انہوں نے کئی باریاں لینے کے باوجود ایک ہسپتال ایسا نہیں بنایا جہاں اپنا علاج کرسکیں، پنجاب کے ہسپتال ادویات کی قلت اور بنیادی سہولیات سے محروم ہیں، راج کماری مریم نواز پنجاب کے ہسپتالوں کی تعریفیں کرتی نہیں تھکتیں مگر حالت یہ ہے کہ خود علاج کے لئے باہر گئی ہے، قومی خزانے کو دونوں ہاتھوں سے لوٹنا شریف خاندان کا پسندیدہ مشغلہ ہے۔