ایف اے ٹی ایف کا پاکستان کو گرے لسٹ میں برقرار رکھنے کا فیصلہ

تفصیلات کے مطابق ایف اے ٹی ایف کے ورچوئل  اجلاس میں پاکستان کو گرے لسٹ میں برقرار رکھنے کا فیصلہ کیا گیا ہے.

فیٹف کے مطابق پاکستان  27 میں سے 26 نکات پر مکمل عمل کر چکا ہے جبکہ ایف اے ٹی ایف کا کہنا ہے کہ پاکستان اس نکتے اور میوچل ایولیوشن کے 6 نکات پر جلد عملدرآمد کرے۔

فیٹف نے پاکستان کی جانب سے کی جانے والی پیشرفت کا اعتراف کیا ۔ پاکستان نے فروری 2021 سے اب تک 3 میں سے 2 نکات پر عمل درآمد کیا ہے۔

ایف اے ٹی ایف کی جانب سے پاکستان سےمتعلق ایشیا پیسفیک گروپ کی رپورٹ پر غور کیا گیا ہے ۔

خیال رہے گزشتہ میٹنگ تک پاکستان نے 24 نکات پر عملدرآمدکیا تھا ، جون 2018 میں ایف اے ٹی ایف نے پاکستان کو اپنی گرے لسٹ میں شامل کیا ، اس سلسلے میں ضروری اقدامات اٹھانے کے لیے پاکستان کو اکتوبر 2019 تک وقت دیا گیا، جس میں بعد میں مزید توسیع کر دی گئی تھی۔